Կիրակի , 21 Հունվար 2018

    outputra5huxgif
    Sunny
    Home » Լուրեր » Ի՞նչ պառակտում, բոլորը մեր թիմակիցներն են. Գագիկ Ծառուկյան (տեսանյութ)

    Ի՞նչ պառակտում, բոլորը մեր թիմակիցներն են. Գագիկ Ծառուկյան (տեսանյութ)

    Մայիս 18, 2017 15:02 Լուրեր, Տեսանյութ, Քաղաքական A+ / A-

    Պարտավոր ենք ժողովրդի վստահությունը, հավատը վերականգնել: Պետք է ներդրումներ կատարվեն, գումար դրվի, որ արտագաղթը ոչ թե շարունակվի, այլ հակառակը` մարդիկ հետ վերադառնան: Այս մասին այսօր ԱԺ-ում լրագրողների հետ զրույցում ասաց «Ծառուկյան կուսակցությունների դաշինք» խմբակցության ղեկավար Գագիկ Ծառուկյանը. «Ես ասել եմ 15 կետեր, որոնք անհրաժեշտ են բոլոր ոլորտներում` ուսանողին, լրագրողին, թոշակառուին, աշխատողին, արվեստի, մշակույթի բոլոր մարդկանց դա վերաբերվում է, առանց դրանց ուղղելու լավ բան չի կարող լինել»:

    Անդրադառնալով դաշինքի ներսում եղած տրամադրություններին, մանդատները վայր դնելու վերաբերյալ խնդիրներին` Ծառուկյանն ընդգծեց. «Ի՞նչ պառակտում, դու տեսե՞լ ես` պառակտում լինի, բոլորն էլ աշխատելու են, բոլորը մեր թիմակիցներն են, նրանք մեծ գործ են կատարել: Բոլորի համար էլ լավ է լինելու, արդարացի է լինելու»:

    Հարցին` Երևանի ավագանու ընտրություններին չմասնակցելը ճի՞շտ է համարում, Գագիկ Ծառուկյանը պատասխանեց. «Բոլոր իմ քայլերը ես ճիշտ եմ համարում, որը որ ես քննարկել եմ իմ թիմակիցների հետ, կուսակցության անդամների հետ»:

    Իսկ արդյոք ճի՞շտ է համարում նրանց քայլերը, ովքեր հետ վերցրին մանդատները և գնացին ԿԸՀ, Ծառուկյանը հավելեց. «Լավ արեցին, գնացին, կեսը շտապել են, կեսը տեղեկացված չեն, կեսին էլ ես եմ ուղարկել, ի՞նչ եք ուզում»։

    Ինչ վերաբերում է Ծառուկյանի ասածին, որ դրսից բզբզում են, ովքե՞ր են բզբզում, նա ասաց. «Ուրեմն` քամիներ են եղել և՛ ձեր կողմից, և՛ ուրիշ կողմից, և՛ մեր թիմակիցների կողմից»:

    Ընտրությունների արդյունքների համար էլ, Ծառուկյանը վստահեցրեց, որ հիասթափված չէ ժողովրդից` իրենց դաշինքին ավելի շատ ձայներ չտալու համար. «Ոչ մեկից հիասթափված չեմ, բոլորի ցավն էլ տանեմ. ով տվել ա` շնորհակալ եմ, ով էլ չի տվել, ում տվել ա` թող գնա իրանից էլ պահանջի»:

    Մանրամասները՝ տեսանյութում:

    Նման թեմաներ

    122488199673267500288781848048447njpg
    scroll to top