Երկուշաբթի , 25 Սեպտեմբեր 2017

  •  USD   Առք` 476.00   Վաճառք` 479.50   ՀՀ ԿԲ` 477.88   
  •  EUR   Առք` 565.00   Վաճառք` 573.00   ՀՀ ԿԲ` 573.60   
  •  CHF   Առք` 478.00   Վաճառք` 495.00   ՀՀ ԿԲ` 493.63   
  •  GBP   Առք` 636.00   Վաճառք` 655.00   ՀՀ ԿԲ` 648.24   
  •  RUB   Առք` 8.20   Վաճառք` 8.38   ՀՀ ԿԲ` 8.31   
  •  GEL   Առք` 184.00   Վաճառք` 203.00   ՀՀ ԿԲ` 192.31   
outputra5huxgif
Sunny
22°
Home » editorial » Իմ Գեւ ջանն է ծնվելու. ականի պայթյունից զոհված զինվորի մայրը սպասում է տղայի (տեսանյութ)

Իմ Գեւ ջանն է ծնվելու. ականի պայթյունից զոհված զինվորի մայրը սպասում է տղայի (տեսանյութ)

Ապրիլ 19, 2017 14:26 editorial, Լուրեր, Հասարակություն, Տեսանյութ A+ / A-

2016 թվականի օգոստոսի 2-ին ԼՂՀ պաշտպանության բանակի զորամասերից մեկում ականի պայթյունից զոհված կրտսեր սերժանտ Գեւորգ Հարությունյանի մայրը՝ Անահիտ Վանյանը, արցունքն աչքերին, բայց հպարտությամբ է խոսում որդու մասին:  Խոսում է մշտապես ներկա ժամանակով:  Գեւորգն անցյալում չէ՝ ասում է մայրը, ձեռքով շոյելով որովայնը: Մոր կրծքի տակ նոր կյանք է բաբախում: Araratnews.am-ի հետ զրույցում տիկին Անահիտը պատմեց, որ Գեւորգի ծննդյան օրը, երբ պետք է լրանար նրա 20-ամյակը, իրեն վատ է զգացել: Հիվանդանոցում արդեն պարզ է դառնում, որ հղի է: Հիմա արդեն գիտեն նաեւ սեռը: Մի քանի ամիս անց լույս աշխարհ կգա Անահիտ Վանյանի արու զավակը, ում անվանելու են Գեւորգ:

Գեւորգ Հարությունյան՝ այդպես է որոշել մայրը: Որդուն բնութագրելիս արցունքները զսպել չի կարողանում:  Բարի, ընկերասեր,  լուսավոր, ժպտերես ու նվիրված Մարդ, ով ոչինչ չէր խնայի իր հարազատի համար:

2015 թվականին զորակոչվել է հայոց բանակ՝ ծառայության անցնելով ԼՂՀ Ասկերանի շրջանում:

Ծառայությունից երբեք չի դժգոհել, մեծ ուրախությամբ է մեկնել ծառայության, շատ շուտ ու հեշտ է հարմարվել, լավ ծառայության ու նվիրվածության համար արժանացել է կրտսեր սերժանտի կոչման: Ջոկի հրամանատար էր:

2016 թվականի օգոստոսի 2-ին Գևորգը զոհվեց ականի պայթյունից՝  փրկելով  իր ջոկի տղաների կյանքը:

Գեւորգ Հարությունյանը հետմահու պարգևատրվել է ՀՀ և ԼՂՀ նախագահների կողմից «Արիության համար» մեդալներով, նաև պարգևատրվել է Ապրիլյան պատերազմին ակտիվ մասնակցելու և իր ներդրումն ունենալու համար:

 Փայլակ Ֆահրադյան

122488199673267500288781848048447njpg
scroll to top