Հինգշաբթի , 18 Հոկտեմբեր 2018

    outputra5huxgif
    Clear
    12°
    Home » Լուրեր » Ինչ ակնկալել Թրամփի խորհրդական Ջոն Բոլթոնի այցից Հայաստան

    Ինչ ակնկալել Թրամփի խորհրդական Ջոն Բոլթոնի այցից Հայաստան

    Ինչ ակնկալել Թրամփի խորհրդական Ջոն Բոլթոնի այցից Հայաստան
    Հոկտեմբեր 12, 2018 12:15 Լուրեր, Քաղաքական A+ / A-

    ԱՄՆ-ի նախագահի ազգային անվտանգության հարցերով խորհրդական Ջոն Բոլթոնը տարածաշրջան կատարելիք այցի շրջանակներում կայցելի Հայաստան: Այս մասին նա գրառում է կատարել «Թվիթերի» իր միկրոբլոգում:

    Araratnews.am-ը քաղաքագետ Սուրեն Սարգսյանին հարցրեց՝  ի՞նչ սպասել Բոլթոնի այս այցից, հավաստի՞ են այն լուրերը, որ  Բոլթոնը ադրբեջանամետ գործիչ է: «Համաձայն չեմ, որ Բոլթոնն աջակցում է Ադրբեջանին: Նա փորձառու գործիչ է եւ կողմնակից է լինելու  հավասարակշռվածությանը: Դրա համար էլ  գալու է ե՛ւ Ադրբեջան, ե՛ւ Հայաստան»,- ասաց քաղաքագետը:

    Սուրեն Սարգսյանն ասաց՝ Ջոն Բոլթոնը  Ռուսաստանի դեմ պատժամիջոցներ սահմանելու հեղինակներից է: «Ադրբեջանը փորձում է միֆ ստեղծել, որ Բոլթոնը հակահայկական գործիչ է, բայց դա այդպես չէ: Ադրբեջանցիները բավական ակտիվ աշխատում են Բոլթոնի հետ: Աշխատանքի արդյունքներից մեկն այն է, որ  ԱՄՆ-ի զինտեխնիկան Ադրբեջանի օդային տարածքով տեղափոխեն Աֆղանստան: Բնականաբար, սրա դիմաց ինչ-որ բաներ ակնկալել է»,- հիշեցրեց մեր զրուցակիցը:

    Քաղաքագետը կարծում է՝  ՀՀ արտաքին գործերի նախարարությունն ու վարչապետը պետք է ուղիղ եւ ակտիվ աշխատեն Բոլթոնի գրասենյակի հետ, որ ադրբեջանցիները մեզանից առաջ չընկնեն:

    Սոնա Դավթյան

    scroll to top