Շաբաթ , 15 Դեկտեմբեր 2018

    outputra5huxgif
    Mostly Sunny
    Home » Լուրեր » Ինչ միջադեպ է տեղի ունեցել «Մենք» դաշինքի եւ «Իմ քայլի» միջեւ

    Ինչ միջադեպ է տեղի ունեցել «Մենք» դաշինքի եւ «Իմ քայլի» միջեւ

    Ինչ միջադեպ է տեղի ունեցել «Մենք» դաշինքի եւ «Իմ քայլի» միջեւ
    Դեկտեմբեր 7, 2018 19:30 Լուրեր, Հասարակություն A+ / A-

    Դեկտեմբերի 6-ին՝ ժամը 19-ի սահմաններում, ոստիկանություն ահազանգ է ստացվել նախընտրական քարոզարշավի մասնակիցներին ծեծելու վերաբերյալ։

    Երևան Տոնավաճառ

    Ինչպես հայտնում են ոստիկանության մամուլի ծառայությունից, ահազանգից հետո ոստիկանության ծառայողներն իրականացրել են համապատասխան գործողություններ, այդ թվում՝ նախընտրական քարոզարշավի մասնակիցներից մեկից հաղորդում են ընդունել։

    Ըստ քաղաքացու՝ միջադեպը տեղի է ունեցել Գայի պողոտայում։ Նախընտրական պաստառները վնասելու հետ կապված խոսակցության ժամանակ անհայտ անձը երկու անգամ հարվածել է քարոզարշավի մասնակիցներից մեկին՝ պատճառելով ֆիզիկական ցավ։ Այդ ընթացքում վերջինիս բջջային հեռախոսն ընկել է ու վնասվել։

    Ոստիկանության ծառայողները պարզել են անհայտ անձի ինքնությունը, որը հայտնաբերվել ու բերման է ենթարկվել ոստիկանության Նոր Նորքի բաժին։

    Նույն օրը՝ ժամը 21-ի սահմաններում, ոստիկանություն է ահազանգել նաեւ ԱԺ արտահերթ ընտրություններին մասնակցող քաղաքական ուժերից մեկի կենտրոնական շտաբի պետն ու հայտնել, որ անհայտ անձինք խանգարել են շտաբի աշխատանքը, կատարել նկարահանումներ՝ խոչընդոտելով ընտրական իրավունքի ազատ իրականացմանը։

    Ահազանգին արագ արձագանքած ոստիկանության ծառայողները պարզել են այդ անձանց ինքնությունը։ Ձեռնարկվում են միջոցառումներ միջադեպերի բոլոր հանգամանքները պարզելու ուղղությամբ։

    Ոստիկանության Կենտրոնականի եւ Նոր Նորքի բաժիններում նյութեր են նախապատրաստվում։


    Նման թեմաներ

    scroll to top