Շաբաթ , 23 Հունիս 2018

    outputra5huxgif
    Partly Cloudy
    25°
    Home » Լուրեր » Ինչ պետք է անեն ՌԴ «սև ցուցակում» հայտնված ՀՀ քաղաքացիները

    Ինչ պետք է անեն ՌԴ «սև ցուցակում» հայտնված ՀՀ քաղաքացիները

    Սեպտեմբեր 14, 2017 13:00 Լուրեր, Հասարակություն A+ / A-

    migrant

    Ինչ պետք է անեն այն ՀՀ քաղաքացիները, ովքեր հայտնվել են ՌԴ «սև ցուցակում»: Խնդրի վերաբերյալ այսօր ԱԺ նիստի ժամանակ Միգրացիոն պետական ծառայության պետ Գագիկ Եգանյանին հարցով դիմեց Նիկոլ Փաշինյանը:

    «Մեզ շատ քաղաքացիներ են դիմում այս հարցով: Խոսքն այն ՀՀ քաղաքացիների մասին է, ովքեր երկար ժամանակ Ռուսաստանում են ապրել և գալիս են Հայաստան, ընտանիքներին թողնելով այնտեղ, և հետ գնալիս պարզվում է, որ նրանց մուտքի ճանապարհը ՌԴ փակ է: Եվ քաղաքացիների ընտանիքների մի մասն էնտեղ է, մի մասը` էստեղ, ու նրանք նորից տեսնվելու հնարավորություն չեն ունենում տարիներով»,- նշեց Փաշինյանը:

    Անդրադառնալով խնդրին` Գագիկ Եգանյանն ընդգծեց, որ կան« սև ցուցակներում» հայտնված ՀՀ քաղաքացիներ և ոչ միայն. «Խոսքը վերաբերում է այն քաղաքացիներին, ովքեր կամա թե ակամա, մեծ կամ փոքր խախտումներ են թույլ տվել` գտնվելով Ռուսաստանի Դաշնությունում: Իսկ ՌԴ-ը պրակտիկայում և օրենսդրորեն բավականին պատժամիջոցներ է սահմանել, որը գործում է, երբ անձը դուրս է գալիս Ռուսաստանի տարածքից: Եվ դա բոլոր օտարերկրացիների համար է, ոչ միայն հայերի»:

    Ինչ վերաբերում է այն հարցին, թե այդ դեպքում ի՛նչ պետք է անի քաղաքացին, նա նշեց. «Մեխանիզմ է սահմանվել, որով քաղաքացին դիմում է մեր ծառայությանը, և մեր ծառայությունը դիմում է ներկայացնում Միգրացիոն ֆեդերալ ծառայությանը, խնդրելով, որ պատժամիջոցները մեղմեն կամ վերացնեն: Մինչև հիմա ուղարկել ենք 15 հազարի հասնող դիմում, և  6000-ի դեպքում մեր խնդրանքը բավարարվել է»:

    Էմմա Հովսեփյան

    Նման թեմաներ

    scroll to top