Հինգշաբթի , 23 Մայիս 2019

    outputra5huxgif
    °
    Home » Իրավական » Ինչ ուզելու եմ՝ դա ասելու եմ, նստած լսելու ես. Քոչարյանը՝ գլխավոր դատախազին. լարված իրավիճակ դատարանում

    Ինչ ուզելու եմ՝ դա ասելու եմ, նստած լսելու ես. Քոչարյանը՝ գլխավոր դատախազին. լարված իրավիճակ դատարանում

    Ինչ ուզելու եմ՝ դա ասելու եմ, նստած լսելու ես. Քոչարյանը՝ գլխավոր դատախազին. լարված իրավիճակ դատարանում
    Մայիս 16, 2019 17:27 Իրավական, Լուրեր A+ / A-

    Քոչարյանի գործով դատական նիստն անցնում է լարված իրավիճակում: Քիչ առաջ ՀՀ գլխավոր դատախազ Արթուր Դավթյանը կոչ արեց Ռոբերտ Քոչարյանին արտահայտություններում լինել կոռեկտ: Քոչարյանը դատախազությանը մեղադրում էր այն բանում, որ նրանք չեն պատկերացնում ՊՆ համակարգը: «Ես այդ մասով ասելու ոչինչ չունեմ»,- ասաց Քոչարյանը:

    Ի պատասխան Քոչարյանի այդ հայտարարության՝ տեղում հայտարարություն արեց գլխավոր դատախազ Արթուր Դավթյանը:

    Ներկայացնում ենք Քոչարյանի և Դավթյանի, ինչպես նաև պաշտպանների երկխոսությունը:

    Արթուր Դավթյան - Կոչ եմ անում բոլոր մասնակիցներին՝ իրենց խոսքերում կոռեկտ լինել:

    Հայկ Ալումյան -  Հարգելի՛ դատարան, էս կարգը բոլոր հնարավոր խախտումներից դուրս ա գալիս: Թույլ եք տալիս դատախազությանը ընդհատել ցանկացած պահի, մեզանից ցանկացածի խոսքը, անգամ բառը չավարտած:

    Դատավոր - Պարո՛ն Ալումյան, դուք բազմաթիվ անգամ, այս 3-4 օրվա ընթացքում, ցանկացած պահի հայտարարությամբ եք հանդես եկել:

    Հայկ Ալումյան - Ես կա՛մ հայտարարությամբ եմ հանդես եկել, կա՛մ էլ դատարանի դեմ առարկությամբ:

    Դատավոր - Իսկ ի՞նչ գիտեք՝ ինքը հայտարարություն չէր անում:

    Արթուր Դավթյան - Հարգելի՛ դատարան, կոչ եմ անում բոլոր մասնակիցներին կոռեկտ գտնվել իրենց արտահայտություններում:

    Արթուր Դավթյանին ընդհատում էր Հայկ Ալումյանը: Մի պահ խոսում էին բոլորը, ոչինչ հասկանալի չէր:

    Արթուր Դավթյանը, շարունակելով խոսքը, կոչ արեց մաքուր իրավական դաշտում խոսել և չտրվել հուզականությանը:

    Ռոբերտ Քոչարյանն էլ, արձագանքելով գլխավոր դատախազին, նշեց. «Ձեր մեղադրականը իրավականի հետ ոչ մի կապ չունի: Ինչ ուզեմ՝ նա էլ ասելու եմ, և նստած լսելու ես»:


    Նման թեմաներ

    scroll to top