Գլխավոր Լուրեր Ինչու են Արսենալի երկրպագուներն Ազարին ու Կանտեին «հայ դարձրել»

Ինչու են Արսենալի երկրպագուներն Ազարին ու Կանտեին «հայ դարձրել»

2
0

Armsport.am-ը գրում է.

«Արսենալի» երկրպագուները կատակել են, որ ֆուտբոլիստներ Էդեն Ազարն ու Ն՛Գոլո Կանտեն հայ են` ցանկանալով այնպես անել, որ «Չելսիի» աստղերը բաց թողնեն Եվրոպա լիգայի` Բաքվում կայանալիք եզրափակիչը:

Հաջորդ շաբաթ «Չելսին» կմրցի «Արսենալի» հետ, իսկ «զինագործներն» ինչպես հայտնի է` Ադրբեջանի մայրաքաղաք կմեկնեն առանց Հենրիխ Մխիթարյանի:

«Արսենալի» երկրպագուները «Թվիթերում» գրառումներ են կատարել` կատակելով, որ «Չելսիի» աստղեր Ազարն ու Կանտեն ևս հայ են:

«Հայաստանը հիանալի երկիր է: Մի անգամ այնտեղ էի արձակուրդներին ու այնտեղ հանդիպեցի Էդեն Ազարին և Ն՛Գոլո Կանտեին. նրանք երկուսն էլ այցելել էին իրենց տատիկներին»,- գրել է օգտատերերից մեկը:

«Լսել եմ` Կեպան ԴՆԹ թեստ է հանձնել. պարզվել է` նա 62 տոկոսով հայ է»,- կատակել է մեկ այլ օգտատեր: