Ուրբաթ , 15 Դեկտեմբեր 2017

  •  USD   Առք` 480.50   Վաճառք` 484.50   ՀՀ ԿԲ` 482.74   
  •  EUR   Առք` 565.00   Վաճառք` 573.00   ՀՀ ԿԲ` 570.65   
  •  CHF   Առք` 478.00   Վաճառք` 491.00   ՀՀ ԿԲ` 488.60   
  •  GBP   Առք` 636.00   Վաճառք` 654.00   ՀՀ ԿԲ` 649.33   
  •  RUB   Առք` 8.13   Վաճառք` 8.30   ՀՀ ԿԲ` 8.24   
  •  GEL   Առք` 176.00   Վաճառք` 196.00   ՀՀ ԿԲ` 188.57   
outputra5huxgif
Sunny
Home » editorial » Կաքավաձորցիներն իրենց հաղթանակը նվիրեցին Արցախյան պատերազմի հերոսներին (տեսանյութ)

Կաքավաձորցիներն իրենց հաղթանակը նվիրեցին Արցախյան պատերազմի հերոսներին (տեսանյութ)

Հունիս 14, 2017 20:46 editorial, Լուրեր, Սպորտ A+ / A-

2

Արագածոտնի մարզի Կաքավաձոր համայնքում երեկ տեղի ունեցավ մարզի 8 համայնքների (Կաքավաձոր, Ներքին Սասնաշեն, Աշնակ, Ներքին Բազմաբերդ, Վերին Բազմաբերդ,  Ագարակ, Դավիթաշեն, Շղարշիկ) ֆուտբոլային թիմերի մասնկացությամբ տասը օր տեւած ֆուտբոլային մրցաշարի եզրափակիչ խաղը, որի հաղթող ճանաչվեց Կաքավաձոր համայնքի ֆուտբոլային թիմը: Խաղն ավարտվեց տան տերերի՝ 3:1 հաշվով հաղթանակով:

Հունիսի 1-ից մեկնարկած այս մրցաշարի կազմակերպիչները կաքավաձորցիներն էին: Նրանք  մրցաշարը նվիրեցին Արցախյան պատերազմում զոհված բոլոր հերոսներին, մասնավորապես՝ Մարտակերտի շրջանի գյուղերի ազատագրման մարտական գործողությունների ընթացքում հերոսաբար զոհված սասունցի Վահե Բաղդասարյանի հիշատակին:

Նշենք, որ ֆուբոլային մրցաշարի եզրափակիչ խաղի օրը  պատահական չէր ընտրված. 24 տարի առաջ այդ օրը Վահեն զոհվեց՝ թողնելով պատգամ. «Հայրենիքը միակն է, որին պետք է տալ առանց վերցնելու»:

Վահեն ծնվել է 1972թ-ին Թալինի շրջանի Կաքավաձոր գյուղում: Երևանի Մխիթար Հերացու անվան պետական բժշկական համալսարանի ուսանող էր, երբ սկսվեց Արցախյան գոյամարտը: Վահեն թողեց ուսումն ու միացավ նոր-նոր կազմավորվող մարտական խմբերին: Զոհվել է 1993թ-ի հունիսի 13-ին Դաստագիրում:

1994 թ.-ի մայիսի 6-ին ԼՂՀ գերագույն խորհրդի որոշմամբ Վահե Բաղդասարյանը հետմահու պարգևատրվել է «Մարտական խաչ» երկրորդ աստիճանի շքանշանով և «Շուշիի ազատագրման համար» մեդալով:

«Շահումյանցիներ, հպարտացեք. ձեր կռվին է միացել Սասնա ծռերի թոռը՝ Վահե Բաղդասարյանը»,- Վահեի մասին խոսելիս ազդարարել է Շահեն Մեղրյանը:

Հավելենենք, որ 90-ականներին Արցախյան պատերազմին մասնակցել են եւս երեք կաքավաձորցիներ Մեսրոպ Մխիթարյանը, Կայծեր Շեկիկյանը եւ Անանիա Խաչատրյանը:

2016 թվականի ապրիլյան պատերազմի օրերին հերոսաբար զոհված սասունցի Սասուն Մկրտչյանը նույնպես արմատներով Կաքավաձորից էր:

Թերեւս այս հանգամանքով է պայմանավորված, որ կաքավաձորցիների համար ֆուտբոլային մրցաշարում հաղթանակը մեծ նշանակություն ուներ:

 

Նման թեմաներ

122488199673267500288781848048447njpg
scroll to top