Հինգշաբթի , 30 Մարտ 2017

  •  USD   Առք` 482.00   Վաճառք` 485.50   ՀՀ ԿԲ` 483.82   
  •  EUR   Առք` 516.00   Վաճառք` 526.00   ՀՀ ԿԲ` 522.04   
  •  CHF   Առք` 460.00   Վաճառք` 491.00   ՀՀ ԿԲ` 486.84   
  •  GBP   Առք` 589.00   Վաճառք` 607.00   ՀՀ ԿԲ` 601.53   
  •  RUB   Առք` 8.45   Վաճառք` 8.62   ՀՀ ԿԲ` 8.49   
  •  GEL   Առք` 186.00   Վաճառք` 206.00   ՀՀ ԿԲ` 198.29   
outputra5huxgif
Clear
Home » Լուրեր » ԿԳՆ հանրակրթության վարչության պետ Նարինե Հովհաննիսյանն ազատվել է պաշտոնից

ԿԳՆ հանրակրթության վարչության պետ Նարինե Հովհաննիսյանն ազատվել է պաշտոնից

Հունվար 12, 2017 13:44 Լուրեր, Հասարակություն A+ / A-

Narine

ՀՀ կրթության եւ գիտության նախարարության հանրակրթության վարչության պետ Նարինե Հովհաննիսյանն ազատվել է զբաղեցրած պաշտոնից: Մեր զրույցում նա վստահեցրեց, որ պաշտոնանկությունն իր ցանկությամբ է` սեփական դիմումի համաձայն:

«Երկարատեւ աշխատանքից հետո ես որոշեցի, այնուամենայնիվ, դպրոց վերադառնալ, իմ վերջին տարիները դպրոցում աշխատել, եւ հիմա իմ դիմումի համաձայն, նախարարն ինձ ազատեց զբաղեցրած պաշտոնից: Նշանակվել եմ համար 1 հանրապետական հատուկ կրթահամալիրի տնօրենի ժամանակավոր պաշտոնակատար մինչեւ մրցույթի անցկացումը»,- ասաց ԿԳՆ արդեն նախկին վարչության պետը:

Նկատենք, որ երբ տարիներ առաջ որոշում ընդունվեց, որ ուսումնական հաստատության ղեկավարի թափուր պաշտոնի մրցույթին մասնակցելու համար անհրաժեշտ պայման է հավաստագրի առկայությունը, Նարինե Հովհաննիսյանը վարչության պետ էր: Ասել է թե` այժմ նա չպետք է ունենա այդ փաստաթուղթը:

Տիկին Հովհաննիսյանը հաստատեց դա` ասելով, որ երբ օրենքով սահմանված կարգով եռամսյա ժամկետում հայտարարվի կրթահամալիրի տնօրենի թափուր պաշտոնի մրցույթ, այդ ընթացքում ինքը նաեւ հավաստագիր ստացած կլինի:

Համար 1 կրթահամալիրը գտնվում է Երեւանի Վարդաշեն թաղամասում:

«Այն ինձ հետաքրքիր է շատ: Դժվար դաստիարակվող երեխաների դպրոց է, եւ շատ հետաքրքիր է լինելու նրանց հետ աշխատել, նաեւ դաստիարակչական աշխատանքներ տանել: Ես սիրում եմ այդպիսի աշխատանքը: Այն հոգեհարազատ է ինձ»,- պատճառաբանելով կրթական հաստատության ընտրությունը` ասաց Նարինե Հովհաննիսյանը:

ԿԳՆ հանրակրթության վարչության պետի պարտականություններն առայժմ կատարում է պետի տեղակալ Նոնա Սահակյանը, մինչեւ որ այս պաշտոնի դեպքում նույնպես կհայտարարվի ու կանցկացվի թափուր պաշտոնի մրցույթ:

Շարունակությունը՝ սկզբնաղբյուր կայքում:

Նման թեմաներ

122488199673267500288781848048447njpg
scroll to top