Շաբաթ , 17 Օգոստոս 2019

    outputra5huxgif
    °
    Home » Լուրեր » Քննչական կոմիտեի թիմը հաղթել է ֆուտբոլային մրցաշարում

    Քննչական կոմիտեի թիմը հաղթել է ֆուտբոլային մրցաշարում

    Քննչական կոմիտեի թիմը հաղթել է ֆուտբոլային մրցաշարում
    Հուլիս 2, 2019 21:44 Լուրեր, Ֆուտբոլ A+ / A-

    ՀՀ Քննչական կոմիտեի մինի-ֆուտբոլի թիմը Ռուսաստանի դաշնության Կազան քաղաքում մասնակցել է Անկախ Պետությունների Համագործակցության մասնակից-պետությունների քննչական մարմինների մինի ֆուտբոլային միջազգային մրցույթին: Այս մասին հայտնում են Քննչական կոմիտեի տեղեկատվության և հասարակայնության հետ կապերի բաժնից:

    Եռօրյա մրցույթից հետո եզրափակիչ փուլ են դուրս եկել Հայաստանի և Բելառուսի քննչական կոմիտեների թիմերը: Եզրափակիչ խաղն ավարտվել է Հայաստանի Քննչական կոմիտեի թիմի հաղթանակով:

    Հայաստան վերադարձից հետո ՀՀ Քննչական կոմիտեի նախագահ Հայկ Գրիգորյանը հանդիպել է ՔԿ մինի-ֆուտբոլի թիմի անդամներին, շնորհակալություն հայտնել՝ Քննչական կոմիտեն և Հայաստանը պատվով ներկայացնելու համար:

    «Մրցաշարի անցկացման նպատակը պետական մարմինների աշխատակիցների ֆիզիկական ակտիվացմանը և նրանց շրջանում մասսայական սպորտի ու առողջ ապրելակերպի արմատավորմանը նպաստելն է: Եվ այս համատեքստում ոչ պակաս կարևոր է հաղթանակներ գրանցելու հանգամանքը: Շնորհակալ եմ յուրաքանչյուրիդ՝ Հայաստանը պատվով ներկայացնելու և հաղթանակ գրանցելու համար»,- ասել է Հայկ Գրիգորյանը:

    Կարևորելով առողջ ապրելակերպի զարգացումը՝ ՔԿ նախագահը նշել է, որ Կոմիտեի ծառայողները աշխատանքային պարտականություններին զուգահեռ պետք է հետևեն ֆիզիկական պատրաստվածությանը՝ նման մրցաշարերում պատվով ներկայանալու նպատակով:

    Հայկ Գրիգորյանը հայտնել է, որ հաջորդ տարի ԱՊՀ մասնակից պետությունների ֆուտբոլային մրցաշարը տեղի կունենա Հայասանում, և թիմին հորդորեց շարունակել պարապմունքները՝ մշտապես հաղթանակներ գրանցելու համար:


    Նման թեմաներ

    scroll to top