Հինգշաբթի , 22 Օգոստոս 2019

    outputra5huxgif
    °
    Home » Իրավական » Քրեակատարողական ծառայության պետը ներկայացրել է «Արմավիր» ՔԿՀ–ի նորանշանակ պետին

    Քրեակատարողական ծառայության պետը ներկայացրել է «Արմավիր» ՔԿՀ–ի նորանշանակ պետին

    Քրեակատարողական ծառայության պետը ներկայացրել է «Արմավիր» ՔԿՀ–ի նորանշանակ պետին
    Ապրիլ 26, 2019 22:25 Իրավական, Լուրեր A+ / A-

    ՀՀ արդարադատության նախարար Արտակ Զեյնալյանի հրամանով արդարադատության գնդապետ Վարուժան Եղիազարյանը ապրիլի 25-ին ազատվեց զբաղեցրած պաշտոնից և փոխադրման կարգով նշանակվեց ՀՀ ԱՆ «Արմավիր» քրեակատարողական հիմնարկի պետի պաշտոնում:

    Այսօր՝ ապրիլի 26-ին, ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանը նորանշանակ պետ Վարուժան Եղիազարյանին ներկայացրել է հիմնարկի աշխատակազմին:

    Ծառայության պետը նախ շնորհակալություն է հայտնել նախկին պետ, արդարադատության գնդապետ Խաչիկ Հարությունյանին տարիների նվիրված աշխատանքի համար, այնուհետ շնորհավորեց նորանշանակ պետ Վ. Եղիազարյանին հիմնարկի ղեկավարումը ստանձնելու առիթով՝ մաղթելով արդյունավետ և ժամանակի պահանջներին համընթաց աշխատանք:

    Արտյոմ Մխոյանն իր խոսքում ընդգծել է հատկապես, որ հիմնարկի պետի աշխատանքի առանցքային շեշտադրումները պիտի թելադրված և ուղղորդված լինեն միմիայն օրենքով: Հիմնարկի պետից և ողջ անձնակազմից պահանջվում է նվիրվածություն գործին, արդյունավետ աշխատելաոճ, ամենօրյա և մշտական խիստ հսկողություն, հարգալից փոխհարաբերություններ, սրանք այն կարևորագույն պայմաններն են, որոնց առկայությունը կնպաստի հիմնարկում ներկա թերությունների բացարձակ վերացմանը, նպատակաուղղված և արդյունավետ աշխատանքին:

    Հիմնարկում այսօրվա ստեղծված վիճակը, ըստ Ծառայության պետի, օրենքի պահանջները չկատարելն է: «Ցանկացած անօրինական շփում, կոռուպցիոն դրսևորումներ ստանալու են արժանի պատասխան: Գործելու ենք բացառապես օրինականության դաշտում, առանց բացթողումների, պիտի հայտնաբերենք և կանխենք ցանկացած արգելված իրի ներթափանցման ուղին…: Յուրաքանչյուրը պետք է վերափոխի մտածելակերպը, հոգեբանությունը, աշխատաձևը, միայն այս դեպքում մենք կարող ենք արձանագրել հաջողություններ»,- ամփոփել է իր խոսքը Արտյոմ Մխոյանը:

    Նորանշանակ պետ, արդարադատության գնդապետ Վ. Եղիազարյանը շնորհակալություն հայտնեց իրեն ցուցաբերած վստահության համար և հավաստիացրեց, որ անձնակազմի հետ համախմբված՝ բարեխղճորեն կկատարեն իրենց առջև դրված պարտականությունները:


    Նման թեմաներ

    scroll to top