Երկուշաբթի , 21 Օգոստոս 2017

  •  USD   Առք` 476.50   Վաճառք` 480.00   ՀՀ ԿԲ` 478.57   
  •  EUR   Առք` 558.00   Վաճառք` 566.00   ՀՀ ԿԲ` 561.79   
  •  CHF   Առք` 481.00   Վաճառք` 498.00   ՀՀ ԿԲ` 497.63   
  •  GBP   Առք` 605.00   Վաճառք` 623.00   ՀՀ ԿԲ` 616.73   
  •  RUB   Առք` 8.03   Վաճառք` 8.20   ՀՀ ԿԲ` 8.05   
  •  GEL   Առք` 192.00   Վաճառք` 205.00   ՀՀ ԿԲ` 200.24   
outputra5huxgif
Sunny
31°
Home » editorial » Լավ արեցի. Միքայել Պողոսյանը` ավագանու մանդատից հրաժարվելու մասին

Լավ արեցի. Միքայել Պողոսյանը` ավագանու մանդատից հրաժարվելու մասին

Հունիս 13, 2017 18:42 editorial, Լուրեր, Մշակույթ A+ / A-

Taron-Miqayel

Հայաստանի ժողովրդական արտիստ, դերասան Միքայել Պողոսյանը չի մեկնաբանում Երևանի ավագանու անդամի մանդատից հրաժարվելու իր որոշումը: Araratnews.am-ի հարցին, թե ի վերջո, ինչո՞ւ որոշեց հրաժավել մանդատից, Պողոսյանն այսպես արձագանքեց. «No comment, լավ արեցի, այդպես էլ գրեք»:

Հիշեցնենք` Միքայել Պողոսյանը Երևանի ավագանու ընտրություններին մասնակցել էր իշխող Հանրապետական կուսակցության ցուցակով, սակայն պնդում էր, թե «չի իմացել» այդ մասին:

«Ես Հանրապետականի հետ ոչ մի կապ չեմ ունեցել և չեմ ունենալու»,- հայտարարում էր դերասանը` միաժամանակ հավաստիացնելով, որ ինքն ընդունել է քաղաքապետ Տարոն Մարգարյանի` ավագանու ընտրություններին մասնակցելու առաջարկը` այդպես նպատակ ունենալով նպաստել քաղաքում առկա խնդիրների լուծմանը:

Միքայել Պողոսյանի որոշումը, սակայն, արժանացավ հանրության քննադատությանը:

Երևանի ավագանու ընտրություններից հետո ավագանու անդամի մանդատ ստացած դերասանն, այնուամենայնիվ ինքնաբացարկի դիմում ներկայացրեց` հրաժարվելով քաղաքապետարանում աշխատանքից:

Պողոսյանն այս ընթացքում խուսափել է պարզաբանում տալ, թե ինչու էր որոշել իշխող Հանրապետականի ցուցակով մասնակցել ընտրություններին, ապա ընտրվելուց հետո հրաժարվել ավագանու անդամի մանդատից:

Araratnews.am-ի խնդրանքով Միքայել Պողոսյանը շատ կարճ պարզաբանում, այդուհանդերձ, ներկայացրեց. «Որևէ բացատրություն չկա, ես դուրս եկա, որովհետև քաղաքականացված ոչ մի ձեռնարկի կամ որևէ պատմությունների մեջ երբևէ չեմ եղել»:

Հարցին, թե այդ դեպքում ինչու էր ընդունում Տարոն Մարգարյանի առաջարկը, Պողոսյանը հրաժարվեց պատասխանել` պատճառաբանելով, որ զբաղված է:

122488199673267500288781848048447njpg
scroll to top