Երեքշաբթի , 12 Դեկտեմբեր 2017

  •  USD   Առք` 481.50   Վաճառք` 485.50   ՀՀ ԿԲ` 484.11   
  •  EUR   Առք` 564.00   Վաճառք` 572.00   ՀՀ ԿԲ` 570.43   
  •  CHF   Առք` 478.00   Վաճառք` 491.00   ՀՀ ԿԲ` 489.30   
  •  GBP   Առք` 634.00   Վաճառք` 653.00   ՀՀ ԿԲ` 646.00   
  •  RUB   Առք` 8.12   Վաճառք` 8.31   ՀՀ ԿԲ` 8.23   
  •  GEL   Առք` 169.00   Վաճառք` 189.00   ՀՀ ԿԲ` 184.77   
outputra5huxgif
Clear
Home » editorial » Մանրամասներ վթարի ենթարկված զինվորականների մասին

Մանրամասներ վթարի ենթարկված զինվորականների մասին

Մանրամասներ վթարի ենթարկված զինվորականների մասին
Դեկտեմբեր 7, 2017 11:45 editorial, Լուրեր, Հասարակություն A+ / A-

Araratnews.am-ն այսօր տեղեկացրել է Լոռո մարզում տեղի ունցած ավտովթարի մասին: Գ. Շամշյանի տեղեկություններով՝ վարորդն ու ուղևորը զինվորականներ են և վթարի պատճառներից է նաև այն, որ  ճանապարհն ամբողջովին եղել է մերկասառույց, պատկան մարմինը՝ Վանաձորի քաղաքապետարանը, չի բարեհաճել ճանապարհը մշակել աղ ու ավազով: Araratnews.am-ը կապ հաստատեց Վանաձորի քաղաքապետ Մամիկոն Ասլանյանի հետ, տեղեկանալու, թե ինչու քաղաքապետարանն իր աշխատանքը չի կատարել: «Վանաձորի քաղաքապետարանը դրա հետ կապ չունի, դա միջպետական ճանապարհ է»,- ասաց Մամիկոն Ասլանյանը: Քաղաքապետը  հավատացրեց, որ առաջին անգամ է լսում նման քննադատություն. Վանաձորի ճանապարհներն աղապատված են:

Միջպետական ճանապարհների  վիճակի համար պատասխանատու է  տրանսպորտի, կապի եւ տեղեկատվական տեխնոլոգիաների նախարարությունը: Սակայն նախարարության մամուլի խոսնակ Անահիտ Առաքելյանը մեզ  ասաց, որ  այդ ճանապարհահատվածը   նախարարության  սպասարկման ենթակայության տակ չէ:

ՊՆ մամուլի խոսնակ Արծրուն Հովհաննիսյանից էլ Araratnews.am-ը տեղեկացավ, որ վթարի հետեւանքով  Երևանի կենտրոնական կլինիկական զինվորական հոսպիտալ է տեղափոխվել մեկ զինվորական կապիտան կոչումով: Մյուս զինվորականը մայոր կոչմամբ  «Վանաձոր» ԲԿ-ում է: «Կապիտանի վիճակը  ծանր  կայուն է, մայորը կոտրվածքներ ունի: Վիճակն էլ միջին ծանրության է: Վթարի են ենթարկվել սեփական մեքենայով»:

Հ.Գ. Փաստորեն պատկան կառույցներն իրար վրա են բարդում  մեղքը եւ  խուսափում պատասխանատվությունից: Հարց է ծագում՝ ի վերջո է պատասխանատու այդ ճանապարհի սպասարկման համար:

Սոնա Դավթյան

122488199673267500288781848048447njpg
scroll to top