Երկուշաբթի , 19 Փետրվար 2018

    outputra5huxgif
    Cloudy
    Home » Լուրեր » Մատուցողուհու սպանության համար դատապարտվածը քննիչի դեմ սուտ մատնություն է կատարել

    Մատուցողուհու սպանության համար դատապարտվածը քննիչի դեմ սուտ մատնություն է կատարել

    Մարտ 20, 2017 13:51 Լուրեր, Հասարակություն A+ / A-

    f58be9655c706b_58be9655c70a9.thumb

     

    Մատուցողուհու սպանության աղմկահարույց գործով 13 տարվա ազատազրկման դատապարտված Դավիթ Թամրազյանը ներկայումս էլ մեղադրվում է սուտ մատնության համար:

    Թամրազյանը ՀՔԾ-ում հարուցված քրեական գործի նախաքննության ընթացքում՝ 04.10.2016թ. ՀՀ ԱՆ «Նուբարաշեն» ՔԿՀ-ում որպես վկա հարցաքննվելիս, նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, գիտակցելով, որ իր տրամադրած տեղեկությունը կեղծ է, քննիչ Սարգիս Մարգարյանին մեղադրել է ՀՀ քրեական օրենսգրքի 314-րդ հոդվածի 1-ին մասով նախատեսված՝ պաշտոնեական կեղծիք կատարելու մեջ և կատարել սուտ մատնություն:

    Ավելի վաղ տեղեկացրել էինք, որ մարտի 7-ին Երևանի Աջափնյակ և Դավթաշեն վարչական շրջանների դատարանի դատավճռով Թամրազյանը մեղավոր է ճանաչվել ՀՀ քրեական օրենսգրքի 104-րդ հոդվածի 1-ին մասով՝ սպանություն և 185-րդ հոդվածի 2-րդ մասի 1-ին և 2-րդ կետերով՝ խոշոր չափերի վնաս պատճառելով, հրկիզման եղանակով գույքը դիտավորությամբ վնասելը, և դատապարտվել է 13 տարրի ժամկետով ազատազրկման:

    Ըստ մեղադրանքի, Դավիթ Թամրազյանը անձնապես վիրավորված լինելով իր հետ նախկինում հարաբերությունների մեջ եղած, տվյալ պահին հարաբերությունները խզած տուժողից, նրանից դիտավորությամբ ապօրինաբար կյանքից զրկելու նպատակով, 2013 թվականի մայիսի 7-ին գնացել է աղջկա վարձակալած բնակարան, թե իբրև անակնկալ նվեր ունի տալու: Ապա, ըստ մեղադրական եզրակացության, տուժողին խնդրել է փակել աչքերը, իր մոտ եղած խոհանոցային դանակով կտրել է աղջկա կոկորդը, ինչի հետևանքով վերջինս տեղում մահացել է:

    Բացի այդ, հանցագործության հետքերը թաքցնելու նպատակով, հրկիզել է դեպքի վայր հանդիսացող բնակարանը` բնակարանի սեփականատիրոջը պատճառելով 680.437 ՀՀ դրամի գույքային վնաս:

    Նման թեմաներ

    scroll to top