Շաբաթ , 17 Օգոստոս 2019

    outputra5huxgif
    °
    Home » Լուրեր » Մայր տաճարում ճարտարապետները բացառիկ բացահայտումներ են արել

    Մայր տաճարում ճարտարապետները բացառիկ բացահայտումներ են արել

    Մայր տաճարում ճարտարապետները բացառիկ բացահայտումներ են արել
    Հուլիս 23, 2019 15:32 Լուրեր, Հասարակություն, Մշակույթ A+ / A-

    Մայր Աթոռ Սուրբ Էջմիածնի Մայր տաճարում շարունակվում են վերականգնման աշխատանքները, որոնց ընթացքում մասնագետները բացառիկ բացահայտումներ են կատարել:

    Աշխարհում հնագույն քրիստոնեական տաճարի ճարտարապետ-վերականգնողների համաձայն, անցկացված աշխատանքների ընթացքում հերքվել է այն տեսակետը, որ ի սկզբանե սրբությունը կառուցվել  է քառանկյուն կամ ուղղանկյուն հատակագծով, այսինքն՝ ըստ բազիլիկ տիպի: Հենց այս կարծիքին էին տարբեր ժամանակաշրջանների բազմաթիվ ճարտարապետներ:

    Մյուս բացահայտումը վերաբերում է տաճարի  սյուներին, որոնք թվագրվում են 4-րդ դարով: Սվաղի հաստ շերտը հանելուց հետո այնտեղ հայտնաբերվել են քարի վրա փորագրված բացառիկ պատկերներ:

    «Ոչ մի վկայություն և  նույնիսկ ենթադրություն չկային, որ տաճարում կարող ենք ունենալ այսպիսի խոյակներ՝ զարդարված բուսական զարդանախշի տեսքով քանդակագործական պատկերներով՝ առաջին անգամ օգտագործված քրիստոնեական ճարտարապետության մեջ»,- «Շողակաթ» հ/ը-ին ասել է ճարտարապետ-վերականգնող Ամիրան Բադիշյանը:

    Նշվում է, որ հայտնաբերված  պատկերները հայ քրիստոնեական ճարտարապետության նմուշներ են, որոնք կարող են դասվել 5-րդ կամ 4-րդ դարին:

    Տաճարի վերականգնումն ավարտելուց հետո ճարտարապետ Ամիրան Բադիշյանը մտադիր  է այս բոլոր բացահայտումները ներկայացնել առանձին մենագրությամբ:

     


    Նման թեմաներ

    scroll to top