Գլխավոր Լուրեր Մեկ օրում բացահայտել են հանցագործության 34 դեպք

Մեկ օրում բացահայտել են հանցագործության 34 դեպք

4
0

Ըստ ոստիկանության օպերատիվ հաղորդագրությունների ամփոփագրերի` հունվարի 31-ից փետրվարի 1-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 34 դեպք։

Ինչպես  տեղեկացրին ՀՀ ոստիկանության հասարակայնության հետ կապերի և լրատվության վարչությունից, բացահայտվել է անձնական ունեցվածքի գողության 9, մարմնական վնասվածք հասցնելու և խարդախության 4-ական, թմրամիջոցի հայտնաբերման ու ծեծի 3-ական, սպանության սպառնալիքի և բնակարանային գողության 2-ական, անձի առևանգման, յուրացման կամ վատնման, շորթման, հարկերից խուսափելու, պաշտոնեական լիազորությունների չարաշահման, աշխատանքի պաշտպանության կանոնները խախտելու ու ակնհայտ հանցավոր ճանապարհով գույքի ձեռք բերման 1-ական դեպք:

Հայտնաբերվել է 5 հետախուզվող, կամավոր ներկայացել է 3-ը։

Գրանցվել է զենք-զինամթերքի կամավոր հանձնման 3 դեպք։

Նախկինում կատարված հանցագործություններից բացահայտվել է անձնական ունեցվածքի գողության 5 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար, ինչի հետևանքով 9 մարդ ստացել է տարբեր աստիճանի մարմնական վնասվածքներ: