Շաբաթ , 23 Հունիս 2018

    outputra5huxgif
    Clear
    17°
    Home » Լուրեր » Մեկ շաբաթում տարածաշրջանից դուրս 6 երկրաշարժ է գրանցվել

    Մեկ շաբաթում տարածաշրջանից դուրս 6 երկրաշարժ է գրանցվել

    Հոկտեմբեր 12, 2017 23:34 Լուրեր, Հասարակություն A+ / A-

    erkrasharj

    Սեյսմիկ պաշտպանության ծառայության (ՍՊԾ) սեյսմոլոգիական ցանցի կողմից հոկտեմբերի 5-11-ը գրանցված երկրաշարժերից 12-ի համար որոշվել են օջախի հիմնական պարամետրերը:

    «ՍՊԾ» գործակալությունից «Արմենպրես»-ին տեղեկացրին, որ տեղի ունեցած սեյսմիկ իրադարձություններից 3-ը գտնվում են Հայաստանի Հանրապետության տարածքում: Տարածաշրջանից դուրս գրանցվել է 6 երկրաշարժ 6.0 և ավելի մագնիտուդով:

    Հոկտեմբերի 6-ին 6.0 մագնիտուդով երկրաշարժ է տեղի ունեցել Ճապոնիայում՝ Իշինոմակի քաղաքից (Միյագի պրեֆեկտուրա) 259 կմ դեպի hարավ-արևելք:

    Հոկտեմբերի 8-ին 6.1 մագնիտուդով երկրաշարժ է գրանցվել Տոնգայի Պանգաի քաղաքից 178 կմ դեպի հյուսիս-արևմուտք:

    Հաջորդ օրը 6.2 մագնիտուդով երկրաշարժ է տեղի ունեցել Բալենի, իսկ 6.6 մագնիտուդով՝ Ալեուտյան կղզիների տարածքում:

    Սեյսմիկ իրադարձություններից վերջին երկուսը գրանցվել են հոկտեմբերի 10-ին Չիլիի Արիկա քաղաքից 77 կմ դեպի արևելք՝ 6.3 մագնիտուդով և Բուվե կղզու տարածքում՝ 6.7 մագնիտուդով:

    Երկրաշարժերի հետևանքով զոհեր և ավերածություններ չկան:

    Նման թեմաներ

    scroll to top