Չորեքշաբթի , 26 Ապրիլ 2017

  •  USD   Առք` 482.50   Վաճառք` 486.00   ՀՀ ԿԲ` 484.51   
  •  EUR   Առք` 522.00   Վաճառք` 532.00   ՀՀ ԿԲ` 518.72   
  •  CHF   Առք` 461.00   Վաճառք` 492.00   ՀՀ ԿԲ` 485.09   
  •  GBP   Առք` 610.00   Վաճառք` 628.00   ՀՀ ԿԲ` 619.83   
  •  RUB   Առք` 8.58   Վաճառք` 8.78   ՀՀ ԿԲ` 8.61   
  •  GEL   Առք` 187.00   Վաճառք` 210.00   ՀՀ ԿԲ` 201.46   
outputra5huxgif
Clear
Home » editorial » Մենք Սերժի դեմ պետք ա կռվենք, մարդասպանի. երթ՝ նվիրված Հաց Բերողի հիշատակին

Մենք Սերժի դեմ պետք ա կռվենք, մարդասպանի. երթ՝ նվիրված Հաց Բերողի հիշատակին

Մարտ 16, 2017 18:48 editorial, Լուրեր, Հասարակություն A+ / A-

ERT

Ազատության հրապարակից քիչ առաջ մեկնարկեց բողոքի երթ՝ նվիրված Հաց Բերող անունը ստացած Արթուր Սարգսյանի հիշատակին:

Հիշեցնենք՝ այսօր «Արմենիա» բժշկական կենտրոնում Հաց Բերողը մահացավ:

Տասնյակ քաղաքացիներ այս պահին Արթուր Սարգսյանի անունը վանկարկելով շարժվում են դեպի արդարադատության նախարարություն:

«Սերժիկ, մարդասպան, Սերժիկ, մարդասպան»,- վանկարկում են ակտիվիստները:

Նշենք, որ երթի մասնակիցներին ուղեկցում են մի քանի տասնյակ ոստիկաններ, այդ թվում՝ Երևանի փոխոստիկանապետ Վալերի Օսիպյանը:

Երթի մասնակիցներից Շանթ Հարությունյանի որդին՝ Շահեն Հարությունյանը, պահանջեց իրավապահներից` չխոչընդոտել իրենց:

«Մեր կռիվը ձեր հետ չի, բայց հանկարծ նենց չանեք, ձեր դեմ էլ կռիվ ունենանք: Կարգ եք պահում, ինչ եք անում, լավ եք անում, բայց չխփեք եւ այլն, եւ այլն: Մենք Սերժի դեմ պետք ա կռվենք, մարդասպանի»,- հավելեց Շահեն Հարությունյանը:

Ոստիկանները, սակայն, այդպես էլ թույլ չտվեցին Արթուր Սարգսյանի համակիրներին մոտենալ արդարադատության նախարարությանը եւ ի նշան բողոքի՝ նախարարության մոտ թողնել իրենց հետ բերած սեւ ժապավենով հացը: Շահեն Հարությունյանը հայտարարեց, որ վաղը ժամը 18:00-ին կրկին կհավաքվեն Ազատության հրապարակում:

Նման թեմաներ

122488199673267500288781848048447njpg
scroll to top