Երեքշաբթի , 17 Հոկտեմբեր 2017

  •  USD   Առք` 479.50   Վաճառք` 483.00   ՀՀ ԿԲ` 481.32   
  •  EUR   Առք` 562.00   Վաճառք` 570.00   ՀՀ ԿԲ` 567.52   
  •  CHF   Առք` 478.00   Վաճառք` 495.00   ՀՀ ԿԲ` 493.21   
  •  GBP   Առք` 626.00   Վաճառք` 645.00   ՀՀ ԿԲ` 640.11   
  •  RUB   Առք` 8.33   Վաճառք` 8.50   ՀՀ ԿԲ` 8.41   
  •  GEL   Առք` 183.00   Վաճառք` 204.00   ՀՀ ԿԲ` 194.04   
outputra5huxgif
Partly Cloudy
Home » Լուրեր » Մենք շատ լուրջ անհանդուրժողականություն ունենք. Հարությունյան (տեսանյութ)

Մենք շատ լուրջ անհանդուրժողականություն ունենք. Հարությունյան (տեսանյութ)

Հուլիս 14, 2017 14:59 Լուրեր, Տեսանյութ A+ / A-

Այսօր «Կառուցողական երկխոսության հանձնառություն» ծրագրի պաշտոնական բացման արարողության ժամանակ ՀՀ արդարադատության նախարար Դավիթ Հարությունյանը հանդես գալով ելույթի խոսքով նշեց, որ ինքը և ամբողջ կառավարությունը խորապես և անկեղծ պատրաստ են համագործակցելուն:

«Մենք շատ լավ հասկանում ենք, որ կառավարությունն է քաղաքականության մշակման հիմնական պատասխանատուն, ինչպես նաև իրագործման պատասխանատուն: Սակայն երբ մենք խոսում ենք պատասխանատվության մասին, մենք պետք է հստակ գիտակցենք, որ պատասխանատվությունը ամենևին չի նշանակում մեկուսացում, և կառավարման համակարգի արդյունավետությունը կարող է բարձրանալ միայն այն դեպքում, երբ հասարակությունը կառուցված է ակտիվ քաղաքացիներից: Դա հատկապես կարևորվում  է Հայաստանում, երկրում, որն այդքան էլ հարուստ չէ իր բնական ռեսուրսներով, չունի ելք դեպի ծով ու մեր հիմնական ռեսուրսը արժանապատիվ, կարող մարդն է»,- նշեց նախարարը:

Նա նաև վստահություն հայտնեց, որ իշխանության և քաղհասարակության համատեղ աշխատանքը կտա իրենց արդյունքները:

Հարությունյանի խոսքով՝ այս ծրագիրը հետաքրքիր է նրանով, որ զարգացվելու են քաղաքացիական հասարակության, կազմակերպությունների կարողությունները: Նա նաև հավելեց, որ քաղհասարակությունը և իշխանությունը պետք է սովորեն միմյանց հետ աշխատել. «Ցավոք սրտի, մենք, միգուցե, որոշակի չափով մեր ազգային հատկանիշն է, ունենք շատ լուրջ անհանդուրժողականություն: Մենք շատ հաճախ աշխարհը տեսնում ենք միմիայն սև և սպիտակ գույներով: Կարծում եմ, որ ծրագիրը հնարավորություն կընձեռի, որ մենք տեսնենք այն գույների վարիացիան, որ սևի և սպիտակի արանքում է»:

Մանրամասները` տեսանյութում:

Նման թեմաներ

122488199673267500288781848048447njpg
scroll to top