Հինգշաբթի , 18 Հունվար 2018

    outputra5huxgif
    Cloudy
    -1°
    Home » Լուրեր » Մենք ճանաչման կարիք չենք էլ զգում, մենք ունենք Զարուհի Փոստանջյան. «Երկիր ծիրանիի» ներկայացուցիչ

    Մենք ճանաչման կարիք չենք էլ զգում, մենք ունենք Զարուհի Փոստանջյան. «Երկիր ծիրանիի» ներկայացուցիչ

    Ապրիլ 21, 2017 15:01 Լուրեր, Քաղաքական A+ / A-

    jarangutyun-xmbakcutyun-gekavar-zaruh-postanjyan-hazardramnern-havaqvumen-naxentrakan-shrjanihamar-heriqemuraq-joxovrdic

    Մենք գալիս ենք փոխելու ամեն ինչ: Խնդիրներ բոլոր ոլորտներում կան, անելիքներ շատ ունենք, բայց առաջին հերթին պետք է ուշադրություն դարձնենք արատավոր համակարգի վրա, որն այսօր կա: Այս մասին այսօր լրագրողների հետ հանդիպմանը նշեց «Երկիր ծիրանի» կուսակցության ներկայացուցիչ Տիգրան Պողոսյանը:

    «Շատ փոփոխություններ կան անելու, օրինակ` շինարարության, մշակույթի, առողջապահության, տրանսպորտի ոլորտներում: Այսօր եթե պետք է, օրինակ` մարդուն հիվանդության կարգ տան, պարտադիր մաղարիչ են ուզում: Կամ եթե պետք է վիրահատություն պետպատվերի շրջանակներում, էլի մաղարիչ են ուզում, մինչև մաղարիչն անում ես, հետո մի հատ էլ պետք է հերթ կանգնես. կոռուպցիոն երևույթների դեմ է պետք պայքարել»,- նշեց նա:

    Ինչ վերաբերում է  տրանսպորտին` բանախոսն ընդգծեց. «Այսօրվա տրանսպորտը սեփականություններ են, մեկը մի չինովնիկինն է, մեկը՝ մյուսինն է, դրա համար չեն հետևում՝ ինչպես է այն աշխատում, 14-տեղանոց տրանսպորտի մեջ քանի մարդ են տեղավորում: Պետք է ամբողջը փոխել, բոլոր գծերը պետական լինեն: Եվ քաղաքապետարանի միջոցները բավական են երկու տարում նշվածները փոխելու համար: Քաղաքապետարանի ընդհանուր բյուջեն կազմում է 125 մլրդ, որն ահռելի թիվ է, և եթե երկու տարում դա ծառայի իր նպատակին, ամբողջ քաղաքը կարելի է ծաղկեցնել»:

    Հարցին, թե ինչու քաղաքացին պետք է ընտրի «Երկիր ծիրանի», երբ այն նորաստեղծ կուսակցություն է, ու հասարակությունը շատ անդամների չի ճանաչում, Պողոսյանը հավելեց. «Մեր խումբն այդքան ճանաչված չէ, և մենք ճանաչման կարիք էլ չենք զգում, մենք ունենք Զարուհի Փոստանջյան, որին բոլորն են ճանաչում՝ թե՛ ներսում, թե՛ դրսում: Եվ այս 10 տարիների ընթացքում բոլորը տեսել են, թե նա ինչ է անում, ինչ պայքար է տանում, և որն է նրա նպատակը: Ասեմ նաև, որ մենք շատ համակիրներ ունենք»:

    Նման թեմաներ

    122488199673267500288781848048447njpg
    scroll to top