Չորեքշաբթի , 26 Հունիս 2019

    outputra5huxgif
    °
    Home » Լուրեր » Մի կետից պետք էր սկսել կտրուկ փոփոխությունների գնալը, եւ սա այս կետն էր. Մակունց

    Մի կետից պետք էր սկսել կտրուկ փոփոխությունների գնալը, եւ սա այս կետն էր. Մակունց

    Մի կետից պետք էր սկսել կտրուկ փոփոխությունների գնալը, եւ սա այս կետն էր. Մակունց
    Մայիս 20, 2019 15:29 Լուրեր, Քաղաքական A+ / A-

    Կառավարությունում խորհրդակցությունը ավարտվեց: «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնեց, որ խորհրդակցության ընթացքում պայմանավորվածություն է ձեռք բերվել անհապաղ միջոցներ ձեռնարկել դատաիրավական համակարգում հեղափոխական փոփոխություններ անելու վերաբերյալ:

    «Այդ փոփոխությունները պետք է զուգահեռ լինեն մի քանի մարմինների հետ համատեղ, այլապես այդ փոփոխությունները հեղափոխական արդյունք չեն տա: Խոսքը առաջին հերթին կառավարության մասին է, ինչպես նաեւ դատաիրավական համակարգի անմիջական ներգրավվածության, ներգրավված պետք է լինի նաեւ Ազգային ժողովը: Մայիսի 24-ին արդեն սկսվում են հանրային քննարկումներ անցումային արդարադատության հետ կապված: Այդ քննարկումներում ներգրավված են լինելու հասարակական կազմակերպություններ եւ քաղաքացիական հասարակության լայն ներկայացուցիչներ, որոնց առաջարկները եւս կներկայացվեն աշխատանքային խմբին, լուծումներում նույնպես դրանք պետք է արտացոլված լինեն»,-ասաց Մակունցը:

    Իշխող ուժի ԱԺ խմբակցության  ղեկավարը եւս մեկ անգամ շեշտեց՝ ժողովրդի պահանջն է, որ ինչպես գործադիր եւ օրենսդիր իշխանություններում տեղի ունեցան կտրուկ փոփոխություններ, նույնը տեղի ունենա դատական իշխանությունում.

    «Մենք պետք է իրականացնենք ժողովրդի կամքը, իսկ կապել դա կոնկրետ որեւէ դատավարության հետ, ես ձեր փոխարեն նման բան չէի անի: Սահմանադրական կարգը չի խախտվել եւ այն, ինչը տեղի ունեցավ այսօր մի քանի ժամ Հայաստանի Հանրապետությունում, դա բխում էր այն հեղափոխական փոփոխությունների տրամաբանությունից, որը տեղի է ունեցել դեռեւս մեկ տարի առաջ»:

    «Այս ամենը գնալով խորանում է, եւ այն, ինչ տեղի է ունենում վերջին շրջանում, դրա վառ դրսեւորումներից է. մի կետից պետք էր սկսել կտրուկ փոփոխությունների գնալ, եւ սա այս կետն էր»,- եզրափակեց Մակունցը:


    Նման թեմաներ

    scroll to top