Կիրակի , 19 Օգոստոս 2018

    outputra5huxgif
    Partly Cloudy
    27°
    Home » Լուրեր » Միջոցառումները տեղի են ունենալու՝ անկախ ԵՊՀ ռեկտորատի պատասխանից. հայտարարությու

    Միջոցառումները տեղի են ունենալու՝ անկախ ԵՊՀ ռեկտորատի պատասխանից. հայտարարությու

    Միջոցառումները տեղի են ունենալու՝ անկախ ԵՊՀ ռեկտորատի պատասխանից. հայտարարությու
    Փետրվար 13, 2018 12:54 Լուրեր, Հասարակություն A+ / A-

    Ս.թ. փետրվարի 21-ից 23-ը Ղարաբաղյան շարժման 30 ամյակին նվիրված միջոցառումների շարքն անցկացնելու համար ԵՊՀ Ակումբի նախագահը փետրվարի 2-ին դիմում-նամակ է ուղղել ԵՊՀ ռեկտոր Արամ Սիմոնյանին: Ենթարկվելով բյուրոկրատական բոլոր պահանջներին՝ մի քանի օր շարունակ տեղի ունեցած քաշքշուքից և այդպես էլ որևէ պատասխան չստանալուց հետո Ակումբի ղեկավարը ֆեյսբուքյան իր օգտահաշվում անդրադարձել է վերոգրյալ իրադարձություններին: Դրան ի պատասխան՝ մայր բուհի ֆեյսբուքյան պաշտոնական էջում տեղադրվել է մի գրառում, որի բովանդակությունը, ցավոք սրտի, որևէ աղերս չունի վերոնշյալ միջոցառումների անցկացման համար բուհի ռեկտորատին ուղղված դիմումի հետ: Բուհի ղեկավարությունը սույն գրառմամբ ոչ միայն չի հայտնել որևէ հստակ դիրքորոշում ի պատասխան դիմումին, այլև անհարկի շահարկել է «Բարձրագույն և հետբուհական մասնագիտական կրթության մասին» ՀՀ օրենքն ու ԵՊՀ կանոնադրության 19-րդ հոդվածը, որոնք որևէ կերպ չեն համապատասխանում տվյալ իրավիճակին:

    Հարկ ենք համարում շեշտել, որ ՀՀ Սահմանադրության 45-րդ հոդվածի համաձայն՝ յուրաքանչյուր ոք ունի այլոց հետ ազատորեն միավորվելու և միավորումներին անդամագրվելու իրավունք, որն իր արտացոլումն է ստացել «Բարձրագույն և հետբուհական մասնագիտական կրթության մասին» ՀՀ օրենքի 17-րդ հոդվածի 7-րդ մասում և ամրագրվել նաև ԵՊՀ կանոնադրությամբ: Բարձրագույն ուսումնական հաստատությունում ուսանողները կարող են միավորվել ուսանողական խորհուրդներում, ուսանողական գիտական ընկերություններում և ուսանողական այլ կազմակերպություններում, որոնց ստեղծման և գործունեության կարգը սահմանվում է ուսումնական հաստատության կանոնադրությամբ: ԵՊՀ կանոնադրության 132-րդ կետի 8-րդ մասում ամրագրված է նաև ԵՊՀ-ի գրադարանից, (…), ուսումնական, գիտական, (…) և այլ ստորաբաժանումների ծառայություններից օգտվելու ուսանողի իրավունքը:

    Կամավորության հիմունքներով ստեղծված և վերոգրյալ իրավունքներին համապատասխան գործող ԵՊՀ ակումբն առանց որևէ խախտման փորձել է իրացնել իր իրավունքները: Ուստի, անհասկանալի է ԵՊՀ ղեկավարության գրառումը, որը վարկաբեկում է իր իսկ ուսանողներին:

    «Ազատ ուսանողների ֆորում» ուսանողական միության շահառու հանդիսացող ԵՊՀ ակումբի ուսանողները խնդիրը բարձրաձայնել են միության խորհրդում, որն իր աջակցությունն է հայտնում ԵՊՀ ուսանողներին և հայտարարում, որ Ղարաբաղյան շարժման 30 ամյակին նվիրված միջոցառումները տեղի են ունենալու՝ անկախ բուհի ղեկավարության սպասվելիք պատասխանից:

    «ԱՈւՖ» ՈւՄ խորհուրդը կոչ է անում ԵՊՀ ղեկավարությանը ճանաչել և հարգել իր ուսանողների իրավունքներն ու շահերը:

    «Ազատ ուսանողների ֆորում» ՈւՄ Խորհուրդ

    Նման թեմաներ

    scroll to top