Հինգշաբթի , 30 Մարտ 2017

  •  USD   Առք` 482.00   Վաճառք` 485.50   ՀՀ ԿԲ` 483.82   
  •  EUR   Առք` 516.00   Վաճառք` 526.00   ՀՀ ԿԲ` 522.04   
  •  CHF   Առք` 460.00   Վաճառք` 491.00   ՀՀ ԿԲ` 486.84   
  •  GBP   Առք` 589.00   Վաճառք` 607.00   ՀՀ ԿԲ` 601.53   
  •  RUB   Առք` 8.45   Վաճառք` 8.62   ՀՀ ԿԲ` 8.49   
  •  GEL   Առք` 186.00   Վաճառք` 206.00   ՀՀ ԿԲ` 198.29   
outputra5huxgif
Clear
Home » editorial » Մինսկը և Աստանան չեն ցանկանում Հայաստանին տեսնել որպես ՀԱՊԿ ղեկավար. Stratfor

Մինսկը և Աստանան չեն ցանկանում Հայաստանին տեսնել որպես ՀԱՊԿ ղեկավար. Stratfor

Հունվար 12, 2017 13:13 editorial, Լուրեր, Միջազգային, Քաղաքական A+ / A-

csto_0

Ամերիկյան Stratfor վերլուծական կենտրոնը վերլուծական հոդված է հրապարակել, որում անդրադարձել է Հավաքական անվտանգության պայմանագրի կազմակերպությանը (ՀԱՊԿ)՝ ընդգծելով, որ Բելառուսը և Ղազախստանը չեն ցանկանում Հայաստանի ներկայացուցչին տեսնել ՀԱՊԿ գլխավոր քարտուղարի պաշտոնում:

ՀԱՊԿ-ը հիմնադրվել է 1992-ին: Պայմանագիրը ձևավորվել էր՝ ընդլայնելու և պարզեցնելու ՀԱՊԿ անդամ երկրների միջև անվտանգության ոլորտի համագործակցությունը. մեկ անդամի վրա հարձակումը նշանակում էր հարձակում ՀԱՊԿ բոլոր անդամների վրա: Առաջին երկու տարիների ընթացքում անդամների թիվը զգալիորեն աճեց, դրանք էին՝ Ռուսաստանը, Բելառուսը, Վրաստանը, Հայաստանը, Ադրբեջանը, Ղազախստանը, Ուզբեկստանը, Ղրղզստանը և Տաջիկստանը: Սակայն 1999-ից կազմից դուրս եկան Ուզբեկստանը, Վրաստանը և Ադրբեջանը՝ քիչ-քիչ հեռանալով Ռուսաստանից:

Զեկույցում նշված է, որ 2016-ին Արևմուտքում տիրող տնտեսական և քաղաքական ճգնաժամը նոր հեռանկարներ բացեց Ռուսաստանի համար, Մոսկվան ուժեղացրեց իր ազդեցությունը նախկին Խորհրդային Միությունում: Վերջին տարիների ընթացքում ՌԴ-ն նոր ռազմաքաղաքական համաձայնագրեր կնքեց Բելառուսի, Հայաստանի, Ղազախստանի և Տաջիկստանի հետ:

Աղբյուրը նշում է, որ ներկայումս մի շարք տարաձայնություններ են նկատվում ՀԱՊԿ-ում: Ըստ մի շարք զեկույցների՝ Ռուսաստանը Հայաստանին խոստացել էր ՀԱՊԿ գլխավոր քարտուղար Նիկոլայ Բորդյուժայի պաշտոնը: Նման քայլով պաշտոնական Մոսկվան հաստատել էր իր աջակցությունը Երևանին, որովհետև ապրիլյան պատերազմի ժամանակ Կրեմլը չեզոք դիրք էր զբաղեցրել: Բացի այդ, Ղազախստանը և Բելառուսը հայտարարել էին Ադրբեջանի հետ իրենց ամուր կապերի մասին և հայտնել, որ չեն ցանկանում Հայաստանի ներկայացուցչին տեսնել ՀԱՊԿ հաջորդ գլխավոր քարտուղարի պաշտոնում:

Ըստ աղբյուրի՝ առաջիկա ամիսները հեշտ չեն լինի ՀԱՊԿ-ի համար. տարաձայնությունները կպահպանվեն ինչպես քարտուղարի թեկնածուի, այնպես էլ Լեռնային Ղարաբաղի կարգավիճակի առնչությամբ:

122488199673267500288781848048447njpg
scroll to top