Երեքշաբթի , 19 Հունիս 2018

    outputra5huxgif
    Sunny
    21°
    Home » Լուրեր » Մկրտչյանը՝ ԿԳ փոխնախարարի անցյալի մասին (տեսանյութ)

    Մկրտչյանը՝ ԿԳ փոխնախարարի անցյալի մասին (տեսանյութ)

    Հուլիս 13, 2017 15:00 Լուրեր, Հասարակություն, Տեսանյութ A+ / A-

    Օրերս  վարչապետ Կարեն Կարապետյանի որոշմամբ  ԱԺ ՀՀԿ խմբակցության նախկին պատգամավոր Վահրամ Մկրտչյանը նշանակվեց կրթության եւ գիտության նախարարի տեղակալի պաշտոնում: Մկրտչյանը ԱԺ-ում հայտնվեց Բարսեղ Բեգլարյանի «քվոտայով»: Վերջինս «Ֆլեշ» ընկերության սեփականատերն է եւ համարվում էր Վահրամ Մկրտչյանի հովանավորը:

    Մամուլում նախկին պատգամավորի, ներկայիս փոխնախարարի մասին կան մի շարք ուշագրավ տեղեկություններ: Մասնավորապես, Վահրամ Մկրտչյանը հայտնի է մի կուսակցությունից մյուսը տեղափոխվելով: Մինչև ՀՀԿ-ական լինելը եղել է ԱԺՄ կուսակցության անդամ, հետո` ՀԺԱՄ-ի:

    Նրա անունը կապվում է նաեւ արտարժույթի փոխանակման կետի շուրջ ծագած սկանդալային պատմության հետ: Հրապարակումներ կան իր բիզնես գործընկերոջը՝ պետական տնտեսագիտական համալսարանի դասախոս, գիտությունների թեկնածու Արտակ Ղուկասյանին առեւանգելու, ծեծի ենթարկելու եւ թալանելու մեջ: Մկրտչյանը հերքել է իր մասնակցությունն այդ դեպքին, իսկ Ղուկասյանի հարազատները` կրկին պնդել:

    Այսօր Կառավարության նիստից հետո Araratnews.am-ի լրագրողը ԿԳ նախարար Լեւոն Մկրտչյանից հետաքրքրվեց, թե տեղյա՞կ է արդյոք` ի´նչ անցյալ ունի իր տեղակալը: Մկրտչյանը նշեց, թե իրեն հայտնի չեն Վահրամ Մկրտչյանի անցյալի մութ դրվագները:

    Մանրամասները՝ տեսանյութում:

     

    scroll to top