Երկուշաբթի , 24 Սեպտեմբեր 2018

    outputra5huxgif
    Clear
    18°
    Home » Լուրեր » Նախարարին հետաքրքրել է նոր էլեկտրագնացքի ուղևորահոսքի ծավալը (տեսանյութ)

    Նախարարին հետաքրքրել է նոր էլեկտրագնացքի ուղևորահոսքի ծավալը (տեսանյութ)

    Հուլիս 10, 2018 15:48 Լուրեր, Տեսանյութ A+ / A-

    ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն այցելել է Երևանի լոկոմոտիվային դեպո։

    «Հարավկովկասյան երկաթուղի» ՓԲ ընկերության տնօրեն Սերգեյ Վալկոյի ուղեկցությամբ նախարարը շրջել է դեպոյի տարածքում, ծանոթացել դրա հնարավորություններին։

    Այս դեպոն երկաթուղու կարևորագույն ձեռնարկություններից է, որի գործառույթը ՀԿԵ-ի կառուցվածքի արդիականացումն է, ճանապարհը սարքին շարժակազմով ապահովելն ու գնացքների անվտանգ երթևեկության ապահովումը:

    Այստեղ իրագործվում է Հայաստանի երկաթուղային ցանցում շահագործվող էլեկտրա և ջերմաքարշերի, էլեկտրագնացքների, բեռնատար և ուղևորատար վագոնների հիմնական և ընթացիկ վերանորոգումը, տեխնիկական զննումը և սպասարկումը:

    Երկաթուղու աշխատակիցները նախարարին են ներկայացրել այն գործիքներն ու ռեսուրսները, որոնցով կարողանում են երկաթգծի ողջ երկարությամբ կատարել որակի ստուգում և վերահսկողություն։ Եթե նախկինում մարդկային գործոնը մեծ էր, ապա այժմ գործընթացն ավտոմատացված է` լավագույն արդյունք ստանալու համար։

    2010 թվականից դեպոյում գործում է նաև երկաթուղու ուսուցման կենտրոնը: Այստեղ երկաթուղայիններն անցնում են վերապատրաստման դասընթացներ, սովորում ինչպես վարվել արտակարգ իրավիճակներում:

    Սերգեյ Վալկոն նախարարին ներկայացրել է ենթակառուցվածքների և շարժակազմի բարելավման և արդիականացման ուղղությամբ կատարված վերջին քայլերը։

    Աշոտ Հակոբյանը ծանոթացել է նաև Երևան-Գյումրի-Երևան երթուղին սպասարկող նոր էլեկտրագնացքի պայմաններին, հետաքրքրվել ուղևորահոսքի ծավալով։ Նախարարը կարևորել է երկաթուղու նշանակությունը մեր երկրի տնտեսության հետագա զարգացման մեջ: Նա ընդգծել է, որ պետք է ներդնել առավելագույն ջանքերը, որպեսզի աստիճանական բարեփոխումների արդյունքում ապահովվի հայկական երկաթուղու հետագա զարգացումը: Դրա հիմքում պետք է ընկած լինի գործունեության թափանցիկության բարձրացումը, ուղևորների սպասարկման որակի և պայմանների էական բարելավումը:

    ՀՀ տրանսպորտի, կապի և տեղեկատվական
    տեխնոլոգիաների նախարարության
    լրատվական ծառայություն

    Նման թեմաներ

    scroll to top