Կիրակի , 19 Օգոստոս 2018

    outputra5huxgif
    Partly Cloudy
    21°
    Home » Բլոգ » Նրանց հեշտ գործ չի սպասվում, բայց հավատում եմ՝ կհաղթահարեն. Հրանուշ Խառատյան

    Նրանց հեշտ գործ չի սպասվում, բայց հավատում եմ՝ կհաղթահարեն. Հրանուշ Խառատյան

    Նրանց հեշտ գործ չի սպասվում, բայց հավատում եմ՝ կհաղթահարեն. Հրանուշ Խառատյան
    Մայիս 12, 2018 9:59 Բլոգ, Լուրեր, Քաղաքական A+ / A-

    Ես շատ ուրախ եմ երիտասարդների այսօրվա նշանակումների համար, կրթված, եռանդուն, սովորելու պատրաստ, չմեծամտացած, ճկուն, ՛՛այլ աշխարհների՛՛ և մշակույթների հետ հաղորդակցված, ֆորմալ ՛՛վերնախավում՛՛ չճահճացած, փողոցային և կաբինետային հեղափոխության դպրոցում փորձված, չկոտրված, չխոնարհված, համարձակ, ազատ ՛՛էգո՛՛յով, հասարակությունից դեռևս չկտրված, հասարակությանը անցյալի պարտքեր չունեցող, հասարակական վստահության մեծ վարկով … : Նոր սերունդ են, սովորել են կոլեկտիվ կառավարման արվեստին, կհաղթահարեն: Թարմություն կբերեն Հայաստանի կառավարման թե ծրագրային, թե մեթոդական, թե հաղորդակցման խնդիրներում: Թիմով կարող են ռեֆորմիստներ լինել: Նրանց դեռևս ծանր առճակատում է սպասվում ԱԺ-ի հետ աշխատանքում՝ ՀՀԿ-ի կոշտ ընդդիմության պայմաններում, բայց հույս ունեմ, որ սա ավելի կհղկի նրանց պատրաստվածությունը, ստիպված կլինեն իրենց վրա ավելի շատ աշխատել: Նրանց դժվար է պատկերացնել խաղատների և ռեստորանային քեֆերի մշակույթում:

    Սա, իհարկե, Հայաստանի անկախացման առաջին ՛՛գերագույն խորհուրդը՛՛ և նրանց ձևավորած կառավարությունը չէ, որը փորձի բացարձակ բացայակության պայմաններում բազմաթիվ և բոլորովին անակնկալ հարցեր պիտի հընթացս լուծեր, պատերազմի, քայքայված տնտեսության, օրենքների բացակայության իրավիճակում: Հիմա շատ իրավական և վարչական հարցեր լուծված են:

    Կարծում եմ նրանք գիտակցում են իրենցից ակնկալիքների աստիճանը, բայց շատ կուզենայի, որ դրանց ծավալից չվախենան:

    Կարծում եմ նաև, որ շատ դժվար խնդրի առաջ է կանգնելու Արտակ Զեյնալյանը՝ Արդարադատության նոր նախարարը: Այս փուլում նոր իշխանության ողնաշարը, իմ կարծիքով, արդարադատության նախարարությունն է: Առաջին հերթին՝ դատարանը:

    Հրանուշ Խառատյանի ֆեյսբուքյան էջից

    Նման թեմաներ

    scroll to top