Կիրակի , 22 Հոկտեմբեր 2017

  •  USD   Առք` 480.50   Վաճառք` 484.00   ՀՀ ԿԲ` 481.93   
  •  EUR   Առք` 561.00   Վաճառք` 576.00   ՀՀ ԿԲ` 569.16   
  •  CHF   Առք` 482.00   Վաճառք` 494.00   ՀՀ ԿԲ` 490.86   
  •  GBP   Առք` 623.00   Վաճառք` 642.00   ՀՀ ԿԲ` 633.83   
  •  RUB   Առք` 8.27   Վաճառք` 8.51   ՀՀ ԿԲ` 8.37   
  •  GEL   Առք` 182.00   Վաճառք` 205.00   ՀՀ ԿԲ` 193.94   
outputra5huxgif
Clear
Home » Լուրեր » Օրհներգը փոխելու համար քաղաքական որոշում է անհրաժեշտ

Օրհներգը փոխելու համար քաղաքական որոշում է անհրաժեշտ

Հունիս 19, 2017 18:40 Լուրեր, Մշակույթ A+ / A-

1316513578_gimn-armenii

Պետական խորհրդանշանների` օրհներգի և զինանշանի փոփոխությունների մասին խոսակցությունները վերջին շրջանում նորից ակտուալ են դարձել: Խոսակցությունները հատկապես նոր թափ առան, երբ աշխարհահռչակ ֆրանսահայ շանսոնիե Շառլ Ազնավուրը ֆրանսիական Le Club de Richard Findykian ռադիոհաղորդման ժամանակ ասել էր, որ չի բացառվում, որ Սպիտակի երկրաշարժից հետո 1989-ին գրված Pour toi Arménie («Քեզ համար, Հայաստան») երգը դառնա Հայաստանի Հանրապետության նոր պետական օրհներգը:

ՀՀ մշակույթի փոխնախարար Արթուր Պողոսյանի խոսքով` օրհներգի փոփոխության հետ կապված որևէ գործառույթ այս պահին չի իրականացվում. «Դեռ 2006 թվականին էր հանձնաժողով ստեղծվել, և հայտարարվել էր, որ եթե կան նոր տարբերակներ, ներկայացվեն: Բայց դա պաշտոնական մրցույթ չէր, այլ հնարավորություն էր նայելու դաշտը, կոմպոզիտորներին փորձելու, որ իրենք երաժշտություն գրեն, բանաստեղծները` բառեր»:

Ա.Պողոսյանը նկատեց, որ այդ ժամանակ ներկայացվել են 3-4 տարբերակներ, որոնցից հանձնաժողովի հավանությունն են արժանացել Արամ Խաչատրյանի հեղինակած երաժշտությունը և Եղիշե Չարենցի «Ես իմ անուշ Հայաստանի» բանաստեղծության բառերը:

Ամեն դեպքում, ըստ փոխնախարարի`այն փոխելու համար պետք է պետությունը պատվեր իջեցնի. «Օրհներգը և զինանշանը փոփոխելը շատ լուրջ գործընթաց է, և եթե որոշում լինի դրանք փոխելու, պետք է քաղաքական որոշում կայացվի, և Ազգային ժողովը պետք է նախաձեռնի»:

Հիշեցնենք, որ ենթադրվում է նաև զինանշանի փոփոխություն, որի վերաբերյալ ևս այս պահին որևէ գործառույթ չի իրականացվում:

Էմմա Հովսեփյան

Նման թեմաներ

122488199673267500288781848048447njpg
scroll to top