Երկուշաբթի , 17 Դեկտեմբեր 2018

    outputra5huxgif
    Mostly Cloudy
    Home » Լուրեր » Պաշտոնական մասն ավարտվեց. Ֆրանկոֆոնիայի գագաթնաժողովը դեռ շարունակվում է

    Պաշտոնական մասն ավարտվեց. Ֆրանկոֆոնիայի գագաթնաժողովը դեռ շարունակվում է

    Պաշտոնական մասն ավարտվեց. Ֆրանկոֆոնիայի գագաթնաժողովը դեռ շարունակվում է
    Հոկտեմբեր 11, 2018 14:50 Լուրեր, Քաղաքական A+ / A-

    Երևանում անցկացվող Ֆրանկոֆոնիայի 17-րդ գագաթնաժողովի պաշտոնական բացման արարողությունն ավարտվեց: Արարողությանը ելույթ ունեցան ՀՀ վարչապետ Նիկոլ Փաշինյանը, նախագահ Արմեն Սարգսյանը, Ֆրանսիայի նախագահ էմանուել Մակրոնը, Կանադայի վարչապետ Ջասթին  Թրյուդոն, Լիբանանի նախագահը, այլ հյուրեր:

    Երևան Տոնավաճառ

    Գագաթնաժողովին մասնակցելու համար Հայաստան են ժամանել Ֆրանկոֆոնիայի անդամ 84 երկրի պատվիրակություն և 38 երկրի ղեկավար: 

    Այսօրվա նիստի ընթացքում ՖՄԿ նախագահության լիազորությունները Մադագասկարից կփոխանցվեն Հայաստանին: Կհիմնվի համաժողովի բյուրոն: Մասնակիցները կհաստատեն օրակարգի նախագիծն ու կծրագրեն աշխատանքները: Նախատեսվում է նաև Ֆրանկոֆոնիայի միջազգային կազմակերպությանը անդամակցության կամ կարգավիճակի փոփոխության մասին հայտերի քննարկում:

    Նիստի պաշտոնական բացման արարողությունից հետո մասնակիցներին կտրվի պաշտոնական ճաշ:

    Գագաթնաժողովի օրակարգում Ֆրանկոֆոնիայի միջազգային կազմակերպության գլխավոր քարտուղարի ընտրության հարցն է: Գագաթնաժողովի թեման է՝ «Ապրել միասին՝ հարգելով համերաշխությունը, մարդասիրական արժեքներն ու բազմազանությունը՝ իբրև խաղաղության եւ բարօրության հիմք ֆրանկոֆոն տարածաշրջանում»: Համընդհանուր արժեքների վրա խարսխված այս թեման հնարավորություն կտա արտացոլելու Ֆրանկոֆոնիայում խաղաղությունը, համերաշխությունը և զարգացումը։ Որպես Ֆրանկոֆոնիայի 17-րդ գագաթնաժողովի լոգո ընտրվել է նուռը՝ ի նշան ֆրանկոֆոն ողջ տարածքի խաղաղության և բարգավաճման։

    Գագաթնաժողովը շարունակվելու է նաև հոկտեմբերի 12-ին:

     


    Նման թեմաներ

    scroll to top