Գլխավոր Լուրեր Պայթյուն Ջրվեժ գյուղում. կա զոհ (Տեսանյութ)

Պայթյուն Ջրվեժ գյուղում. կա զոհ (Տեսանյութ)

3
0

Հուլիսի 11-ին, ժամը 17:29-ին «911» ծառայությանն ահազանգ է ստացվել, որ Կոտայքի մարզի Ջրվեժ գյուղում՝ ռեստորաններից մեկի մոտակայքում, տեղի է ունեցել կաթսայատան պայթյուն, կա տուժած. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հոգեբանական խորհրդատվության գծով հրահանգիչը:

Պարզվել է, որ պայթյունը տեղի է ունեցել Ջրվեժ գյուղի 17-րդ փողոցի 6/1 հասցեում գտնվող քարի արտադրամասի կաթսայատանը: Պայթյունի հետևանքով մահացել է Վ.Շ.-ն (32 տարեկան):

Կտրվի լրացուցիչ տեղեկություն: Այս մասին տեղեկացնում է ԱԻՆ հաղորդագրությունը։