Գլխավոր Լուրեր Փաստերը բավարար էին՝ Սանասարյանին մեղադրանք առաջադրելու. գլխավոր դատախազ

Փաստերը բավարար էին՝ Սանասարյանին մեղադրանք առաջադրելու. գլխավոր դատախազ

10
0

ՀՀ գլխավոր դատախազ Արթուր Դավթյանին այսօր Ծիծեռնակաբերդում հարցրել են պետական վերահսկողական ծառայության ղեկավար Դավիթ Սանասարյանին մեղադրանք առաջադրելու մասին: «Գործով հավաքված փաստական տվյալները քրեադատավարական օրենքի պահանջին համապատասխան բավարար էին՝ Դավիթ Սանասարյանին մեղադրանք առաջադրելու համար»,- ասաց Դավթյանը:

Դատախազը հավաստիացրեց՝ թող ոչ ոք չկասկածի, որ  բազմակողմանի քննություն է լինելու: «Պաշտպանների միջնորդությունը մենք նոր ենք ստացել, դրանում տեղեկություններ կան, որոնք քննությամբ պետք է ստուգվեն»,- ասաց ՀՀ գլխավոր դատախազը:

Դավիթ Սանասարյանի պաշտպան Ինեսսա Պետրոսյանն օրեր առաջ հայտարարել էր, որ գործ են «կարում» Սանասարյանի դեմ: Ի պատասխան այս հայտարարության՝ գլխավոր դատախազն ասաց. «Նման տեղեկություն կամ նման ռիսկ տեսնելու դեպքում ոչ մի պարագայում այդ նախաքննության մարմինը չի շարունակի այդ գործով վարույթը»: