Երեքշաբթի , 12 Դեկտեմբեր 2017

  •  USD   Առք` 481.50   Վաճառք` 485.00   ՀՀ ԿԲ` 484.75   
  •  EUR   Առք` 565.00   Վաճառք` 573.00   ՀՀ ԿԲ` 571.76   
  •  CHF   Առք` 478.00   Վաճառք` 491.00   ՀՀ ԿԲ` 489.20   
  •  GBP   Առք` 634.00   Վաճառք` 652.00   ՀՀ ԿԲ` 648.06   
  •  RUB   Առք` 8.14   Վաճառք` 8.31   ՀՀ ԿԲ` 8.19   
  •  GEL   Առք` 169.00   Վաճառք` 189.00   ՀՀ ԿԲ` 181.55   
outputra5huxgif
Sunny
Home » Լուրեր » Իշխանությունները չեն աջակցում սիրիահայերին (տեսանյութ)

Իշխանությունները չեն աջակցում սիրիահայերին (տեսանյութ)

Հուլիս 15, 2017 11:32 Լուրեր, Հասարակություն, Տեսանյութ A+ / A-

Փոքրիկ Հալեպ՝ Երեւանի կենտրոնում: Տեւական ժամանակ է` մետրոպոլիտենի «Հանրապետության հրապարակ» կայարանի գետնանցումի տարածքում սիրիահայերը սեփական բիզնեսն են ծավալել ու տարածքն անվանակոչել «Հալեպի շուկա»: Այս շուկայի տեղը, սակայն, շատերը չգիտեն, քանի որ, չնայած սիրիահայերի խնդրանքին, Երևանի քաղաքապետարանը չի ընդառաջում նրանց և տեղեկատվական վահանակ չի տեղադրում տարածքում: Սիրիայում պատերազմի պատճառով հայրենիք տեղափոխված սիրիահայերը տեղացիներին են առաջարկում սիրիական համեղ ուտեստներ, համեմունքներ, ձեռքի աշխատանք: Գործում են խանութներ, վարսավիրանոց:

Մասնագիտությամբ վարսավիր Գեւորգ Սուքիասյանը 2013-ին է Սիրիայից Հայաստան տեղափոխվել: Մեկ տարի անց Երեւան են տեղափոխվել նաեւ Գեւորգի ծնողները: Աշխատանք գտնել Հայաստանում նրանց չի հաջողվել, սեփական միջոցներով հիմնել են վարսավիրանոց` պատմեց Գեւորգը: Երիտասարդ վարսավիրի հաճախորդները հիմնականում սիրիահայեր են: Երբեմն նաեւ տեղացիներն են օգտվում ծառայությունից: Գեւորգը նշում է, թե պետական աջակցություն չեն ստացել, սփյուռքի նախարարությունն անգամ տարածքի վարձակալության համար գումար չի հատկացրել: Առկա խնդիրները սակայն նրան չեն խանգարել Երեւանում փոքր բիզնեսով զբաղվել: Սիրիա այլեւս չի տեղափոխվելու:

Գեւորգ Սուքիասյանի խոսքով` շուտով ընտանիք է կազմելու: Ապագա կինը սիրիահայ է, սակայն Երեւանում են ծանոթացել: Նշեց, որ առաջիկայում հայրը մեկնելու է Սիրիա` այնտեղի բնակարանը վաճառելու նպատակով:

Հալեպի շուկայի գործարարները տեղի համար վճարում են 40-80 հազար դրամ, աշխատում են զարգացնել սեփական գործը, սակայն նշում են` գովազդի կարիք ունեն, որ մարդիկ իմանան գետնանցումում գործող շուկայի մասին:

Մանրամասները՝ տեսանյութում:

 

scroll to top