Կիրակի , 18 Օգոստոս 2019

    outputra5huxgif
    °
    Home » Լուրեր » Փորձում ենք համոզել «Պոբեդային», հիմա որոշումը նրա ձեռքին է

    Փորձում ենք համոզել «Պոբեդային», հիմա որոշումը նրա ձեռքին է

    Փորձում ենք համոզել «Պոբեդային», հիմա որոշումը նրա ձեռքին է
    Օգոստոս 6, 2019 16:59 Լուրեր, Հասարակություն A+ / A-

    Araratnews.am-ին այսօր  երկար փորձերից հետո հաջողվեց կապ հաստատել «Պոբեդա» ռուսական ավիաընկերության ներկայացուցիչ  «Գրոսնետ» ընկերության տնօրեն Վարդան Ալեքսանյանի հետ՝ զրուցելու  ընկերության հետագա գործունեության մասին:

    Հիշեցնենք՝  ընկերությունը ցանկանում է դադարեցնել ավիափոխադրումները ձմռան սեզոնին  Մոսկվայից Գյումրի, քանի որ վառելիք լիցքավորող ընկերությունը պարբերաբար թերանում է բավարար քանակությամբ վառելիք մատակարարել, իսկ «Պոբեդայի» ղեկավարության  կոչերը այդ կապակցությամբ արդյունք չեն տվել։

    Ընկերության ներկայացուցչին մի քանի հարց ուղղեցինք խնդրի մասին:

    -Պարոն Ալեքսանյան, հայտարարել եք, որ թյուրիմացություն է եղել, խոչընդոտներ չկան, հետևաբար «Պոբեդան» կշարունակի աշխատել: Խոսքը անբավարար քանակով  վառելիք  լցնելու մասի՞ն է:

    -Բանակցություններ են գնում, կտեսնենք: Չեմ ուզում մեկնաբանել այդ լուրերը: Վերջնական որոշում ընդունողը ավիափոխադրողն է: Թող ավիափոխադրողը մեկնաբանի այդ լուրերը:  Բանակցություններ են տանում բոլորի հետ, որ համաձայնության գան, թերությունները վերացնեն եւ շարունակեն աշխատել:

    -Բայց հստա՞կ է, որ ձմռանը «Պոբեդան» կաշխատի:

    -Մենք դրա համար ենք աշխատում, որ աշխատեն:

    -Դե հայտարարել էիք, որ թյուրիմացություն է եղել, ընկերությունը կաշխատի:

    -Հույս ունենք, որ «Պոբեդան» կսպասարկի ուղեւորներին: Բոլոր օղակների հետ խոսել ենք: Նրանք դրական են տրամադրված: Վերջնական որոշումը կընդունի «Պոբեդայի» ղեկավարությունը:

    -Բանակցություններում ի՞նչ դեր ունի Քաղաքացիական ավիացիայի կոմիտեն: 

    -Քաղավիացիան կարգավորող մարմին է: Հիմա որոշումը «Պոբեդայի» ձեռքին է: Մենք փորձում ենք համոզել «Պոբեդային», որ ոչ մի թյուրիմացություն չի լինելու:

    Սոնա Դավթյան

     

     


    scroll to top