Չորեքշաբթի , 21 Օգոստոս 2019

    outputra5huxgif
    °
    Home » Լուրեր » Փոխնախարարն ազատման դիմում է գրել. պատճառը հայտնի է

    Փոխնախարարն ազատման դիմում է գրել. պատճառը հայտնի է

    Փոխնախարարն ազատման դիմում է գրել. պատճառը հայտնի է
    Մայիս 13, 2019 21:11 Լուրեր, Քաղաքական A+ / A-

    Հայաստանի Հանրապետության վարչապետ Նիկոլ Փաշինյանի որոշմամբ` Վահե Բուդումյանն ազատվել է ՀՀ մշակույթի  նախարարի տեղակալի պաշտոնից: Այս մասին տեղեկանբում ենք Վահե Բուդումյանի ֆեյսբուքյան էջից։

    «Սիրելի՛ ընկերներ, ուզում եմ տեղեկացնել, որ մայիսի 15-ից ազատված եմ ՀՀ մշակույթի նախարարի տեղակալի պաշտոնից։ Գիտեմ, որ ասածս մի շարք հարցեր է առաջացնելու, դրանց կանդրադառնամ ստորեւ։ Մինչ այդ ուզում եմ շնորհակալություն ասել Մշակույթի նախարարության բոլոր աշխատակիցներին, մշակույթի գործիչներին, ոլորտը լուսաբանող լրագրողներին եւ ընդհանրապես բոլորին, ում հետ առնչվել եմ այս ընթացքում։ Ինձ համար համար մեծ պատիվ էր ձեզ հետ աշխատելը, այս մեկ տարին սիրով կհիշեմ։

    Ինչու՞ եմ ազատվել. հաշվի առնելով, որ Մշակույթի նախարարության Կրթության եւ գիտության նախարարությանը միավորվելու համատեքստում իմ թեկնածությունը չի դիտարկվում նախարարի տեղակալի համար, ազատման դիմում եմ ներկայացրել, որը հաստատվել է։

    Ո՞վ է լինելու իմ փոխարեն. Չեմ կարող ասել, բայց հուսով եմ, որ նոր նախարարի տեղակալը, ում կվստահվի գրահրատարակչության, գրադարանների եւ մամուլի ոլորտների համակարգումը, լիարժեքորեն եւ արդյունավետ կերպով կիրականացնի նախարարության քաղաքականությունը։

    Ի՞նչ է լինելու ծրագրերի հետ. Բոլոր հաստատված, ընթացիկ ծրագրերն ուժի մեջ են եւ չեն կարող կասեցվել։ Ամեն դեպքում դրանք կարող են եւ պետք է վերանայվեն՝ հաշվի առնելով տարեվերջյան արդյունքները։

    Կրկին՝ անչափ շնորհակալ եմ բոլորիդ արդյունավետ համագործակցության համար եւ ներողություն եմ խնդրում, որ չեմ կարողացել շատերիդ անձամբ տեղեկացնել ազատմանս մասին»,- գրել է փոխնախարարը:


    Նման թեմաներ

    scroll to top