Կիրակի , 22 Հոկտեմբեր 2017

  •  USD   Առք` 480.50   Վաճառք` 484.00   ՀՀ ԿԲ` 481.93   
  •  EUR   Առք` 561.00   Վաճառք` 576.00   ՀՀ ԿԲ` 569.16   
  •  CHF   Առք` 482.00   Վաճառք` 494.00   ՀՀ ԿԲ` 490.86   
  •  GBP   Առք` 623.00   Վաճառք` 642.00   ՀՀ ԿԲ` 633.83   
  •  RUB   Առք` 8.27   Վաճառք` 8.51   ՀՀ ԿԲ` 8.37   
  •  GEL   Առք` 182.00   Վաճառք` 205.00   ՀՀ ԿԲ` 193.94   
outputra5huxgif
Partly Cloudy
16°
Home » Լուրեր » Ռուբեն Ահարոնյանի 70-ամյակը կնշվի հոբելյանական համերգով

Ռուբեն Ահարոնյանի 70-ամյակը կնշվի հոբելյանական համերգով

Սեպտեմբեր 29, 2017 14:28 Լուրեր, Մշակույթ A+ / A-

3F8602F8-0852-4E19-AEC3-F6E444E9AB80_cx0_cy48_cw0_w1023_r1_s

Վաղը երեկոյան Արամ Խաչատրյան համերգասրահում Երևանյան միջազգային փառատոնի շրջանակներում հանդես կգա հանրահայտ Բորոդինի անվան լարային քառյակը՝ Ռուբեն Ահարոնյանի ղեկավարությամբ:

Համերգը հոբելյանական է, այն նվիրված է անվանի ջութակահարի՝ Ռուբեն Ահարոնյանի ծննդյան 70-ամյակին:

Համերգի առաջին բաժնում մեր երաժշտասերները կունկնդրեն Բորոդինի անվան լարային քառյակի կատարումները, իսկ երկրորդ բաժնում Ռուբեն Ահարոնյանը հանդես կգա Ազգային ֆիլհարմոնիկ նվագախմբի հետ:

«Մենք ազդագրերում գրում ենք, որ նշում ենք Ռուբեն Ահարոնյանի 70-ամյակը, բայց որպես այդպիսին այդ նվերը հենց այդ ամյակի առիթով Ռուբեն Միխայլովիչն է մեզ մատուցում», – այսօր հրավիրված ասուլիսին ասաց Հայաստանի ազգային ֆիլհարմոնիկ նվագախմբի տնօրեն Ռուզան Սիրունյանը:

Նա հիշեցրեց, որ Բորոդինի անվան լարային քառյակը փառատոնի շրջանակներում արդեն մի քանի անգամ է հանդես եկել․ – «Սակայն այս անգամ նաև մի փոքր անակնկալ կա, որովհետև մոտավորապես 15 տարի ընդմիջումից հետո Ռուբեն Միխայլովիչը կնվագի ֆիլհարմոնիկի հետ: Դա մեզ համար մեծ պատիվ է: Այդ օրը բեմում սկզբից մինչև վերջ կլինի մաեստրոն, որովհետև ուզում ենք, որ իսկապես տոն լինի»:

Ռուբեն Ահարոնյանը Բորոդինի քառյակը ղեկավարում է և քառյակի առաջին ջութակն է հանդիսանում 1996 թվականից՝ այն ժամանակվանից, երբ ստիպված հեռացավ Հայաստանից, քանի որ մթի և ցրտի այդ տարիները թերևս անհնար էին դարձնում երաժշտի գործունեությունն այստեղ:

Կապը Հայաստանի հետ չի խզել, այստեղ տուն ունի, հաճախ է համերգներով հանդես գալիս: Վերջին անգամ քառյակի հետ 2015 թվականին հանդես եկավ՝ Ցեղասպանության 100-րդ տարելիցին:

Մաեստրոն նախ ներողություն խնդրեց, որ պիտի անցնի ռուսերենի, քանի որ քսան տարուց ավելի ապրում է Մոսկվայում: Ասաց, որ քառյակը համերգային շրջագայությունների շատ է մեկնում, գրեթե ողջ տարին անընդմեջ հյուրախաղեր են ունենում և անգամ իր 70-ամյա հոբելյանի օրը՝ մայիսի 24-ին գտնվում էին Պեկինում, որտեղ համերգից հետո իր պատվին հոբելյանական տորթ են բեմ բարձրացրել:

Ասաց, որ վաղվա հոբելյանական համերգից հետո անմիջապես մեկնում են նոր հյուրախաղերի․ – «Ես չափազանց աշխատասեր մարդ եմ: Ամենակարևորը, որ ֆիզիկապես լավ զգամ և համապատասխանեմ մեր գործի բարձրագույն չափանիշներին»:

Նաև նշեց, որ իր համար ողջ կյանքում ամենակարևորը երաժշտությունն ու աշխատանքն են եղել և ուրիշ ոչինչ: Դա է եղել իր կյանքը՝ երաժշտություն և աշխատանք:

Մաեստրոն ասաց, որ հավատում է Աստծուն․ – «Իսկ երբ բոլորում ես 70 տարեկանը, հասկանում ես, որ, ինչպես Ֆրենկ Սինատրան էր երգում, արդեն քո կյանքի աշունն ես թևակոխել և ոչ թե սեպտեմբերը, այլ արդեն նոյեմբերը: Այնպես, որ գալիս է ժամանակը, որ ոչ թե աշխարհիկ բաների մասին ես մտածում, այլ միմիայն Աստծո»:

Նման թեմաներ

122488199673267500288781848048447njpg
scroll to top