Ռյազանում բանալի պատրաստող կրպակներից մեկում բռնկած հրդեհի հետևանքով հայ տղամարդ է մահացել. հայտնում է «Ռյազանսկայա գազետան»։

Նա երկու դուստր ուներ, շատ լավ մարդ էր, գրում է ya62.ru պորտալը` հղում անելով մահացածի ծանոթներին։

«Հայ է այրվել, շատ լավ մարդ։ Երկու դուստր ունի, որոնք իմ ամենամտերիմ ընկերուհիներն են։ Մեկը հղի է, նրանք շատ վատ են զգում։ Չեն կարողանում նայել այդ սարսափին»,- սոցցանցերից մեկում գրել է Ռյազանի բնակիչը։

Հրդեհը բռնկել էր փետրվարի 7-ին։ Ռյազանի մարզի ԱԻՆ գլխավոր վարչության մամուլի ծառայությունից հայտնել են, որ վրանում տղամարդու դիակ է հայտնաբերվել. պարզվում են հրդեհի պատճառները։