Շաբաթ , 23 Հունիս 2018

    outputra5huxgif
    Clear
    18°
    Home » Լուրեր » Սահմանվել են առարկայական մրցույթների և օլիմպիադաների նոր չափորոշիչներ

    Սահմանվել են առարկայական մրցույթների և օլիմպիադաների նոր չափորոշիչներ

    Սեպտեմբեր 13, 2017 16:23 Լուրեր, Հասարակություն A+ / A-

    DSC_0782

    Կառավարության վաղվա նիստում կքննարկվի  «Հանրակրթության ոլորտում իրականացվող կրթական բնույթի առարկայական մրցույթներին, մրցաշարերին, օլիմպիադաներին ներկայացվող չափորոշիչները սահմանելու մասին» որոշման նախագիծը:

    Համաձայն նախագծի` կառավարությունը որոշում է սահմանել` հանրակրթության ոլորտում իրականացվող կրթական բնույթի առար­կա­յա­կան մրցույթներին, մրցաշարերին, օլիմպիադաներին ներկայացվող չափորոշիչ­ները: Որոշումն ուժի մեջ է կմտնի 2018 թվականի հունվարի 1-ից:

    Կրթական բնույթի առար­կա­յա­կան մրցույթներին, մրցաշարերին, օլիմպիադաներին ներկայացվող չափորոշիչ­ները հետևյալն են`

    1. Հանրակրթության ոլորտում իրականացվող կրթական բնույթի առարկայական մրցույթները, մրցաշարերը, օլիմպիադաները հանրակրթական ուսումնական հաստա­տու­թյան սովորողների գիտելիքների, կարողությունների ու հմտությունների բացահայտմանը, գնահատմանն ու զարգացմանն ուղղված, տարբեր բովանդակությամբ, մեկ կամ մի քանի փուլով կազմակերպվող միջոցառումներ են:
    2. Հայաստանի Հանրապետության հարկային օրենսգրքի 64-րդ հոդվածի 2-րդ մասի 5-րդ կետով սահմանված՝ ավելացված արժեքի հարկից ազատման արտոնության կիրա­ռու­թյան նպատակով հանրակրթության ոլորտում իրականացվող կրթական բնույթի առար­կա­յա­կան մրցույթ­ները, մրցաշարերը, օլիմպիադաները պետք է բավարարեն հետևյալ չափո­րո­շիչ­ներին`

    1)    վերջին 3 տարվա ընթացքում հանրակրթական հիմնական ծրագրեր իրականացնող ուսումնական հաստատությունների առնվազն 10000 և ավելի սովորողների մասնակցու­թյուն` Հայաստանի Հանրապետության ամբողջ տարածքից և,

    2)    հանրակրթության ոլորտում իրականացվող կրթական բնույթի առարկայական մրցույթ­ների, մրցաշարերի, օլիմպիադաների ծրագրային բովանդակության` Հայաստանի Հան­­րապետության կառավարության 2010 թվականի ապրիլի 8-ի N 439-Ն որոշմամբ հաստատ­ված` հանրակրթության պետա­կան չափորոշիչին և Հայաստանի Հանրապետության կրթության և գիտության նախարարի հրա­մանով հաստատված` առարկայական չափորո­շիչ­նե­րին համապատասխանություն և,

    3)    անհրաժեշտ ուսումնաօժանդակ նյութերով, խրախուսման միջոցներով ապահո­վում:

    Նման թեմաներ

    scroll to top