Շաբաթ , 21 Հոկտեմբեր 2017

  •  USD   Առք` 480.50   Վաճառք` 484.00   ՀՀ ԿԲ` 481.93   
  •  EUR   Առք` 561.00   Վաճառք` 576.00   ՀՀ ԿԲ` 569.16   
  •  CHF   Առք` 482.00   Վաճառք` 494.00   ՀՀ ԿԲ` 490.86   
  •  GBP   Առք` 623.00   Վաճառք` 642.00   ՀՀ ԿԲ` 633.83   
  •  RUB   Առք` 8.27   Վաճառք` 8.51   ՀՀ ԿԲ` 8.37   
  •  GEL   Առք` 182.00   Վաճառք` 205.00   ՀՀ ԿԲ` 193.94   
outputra5huxgif
Sunny
17°
Home » editorial » ՍԱՊԾ պետը՝ փակուղում

ՍԱՊԾ պետը՝ փակուղում

Հոկտեմբեր 10, 2017 15:28 editorial, Լուրեր, Հասարակություն A+ / A-

իշխան կարապետյան

Ամիսներ առաջ ՍԱՊԾ-ի նախկին աշխատակիցներ Նարեկ Մանթաշյանն ու Գեորգի Ավետիսյանը քննադատեցին ՍԱՊԾ-ի ղեկավար Իշխան Կարապետյանի գործելաոճը եւ մի քանի աշխատակցի անհիմն աշխատանքից ազատելը: Նարեկ Մանթաշյանը, Գեորգի Ավետիսյանը դիմել էին դատարան՝ չեղյալ համարելու իրենց աշխատանքից ազատելու անհիմն որոշումը:  Տեղեկացնենք, որ բացի Նարեկ Մանթաշյանից, Գեորգի Ավետիսյանից,  2016-ին դատարան էր դիմել ԳՆ Սննդամթերքի անվտանգության պետական ծառայության Հանրապետական անասնաբուժասանիտարական ու բուսասանիտարական լաբորատոր ծառայությունների կենտրոն ՊՈԱԿ-ի տնօրեն Արման Գևորգյանը: Araratnews.am-ն այսօր Գեորգի Ավետիսյանից ու Արման Գեւորգյանից տեղեկացավ, որ առաջին ատյանի դատարանը բավարարել է նրանց  հայցը: Արման Գեւորգյանի գործով վճիռը ՍԱՊԾ-ը  բողոքարկել է վերաքննիչ դատարանում: «Դեռ նիստի օր նշանակված չէ»,- ասաց Արման Գեւորգյանը:

ԳՆ Սննդամթերքի անվտանգության պետական ծառայության Հանրապետական անասնաբուժասանիտարական ու բուսասանիտարական լաբորատոր ծառայությունների կենտրոն ՊՈԱԿ-ի տնօրենի տեղակալի՝Գեորգի Ավետիսյանի գործով  վճիռը ՍԱՊԾ-ը եւս բողոքարկել է վերաքննիչ դատարան, սակայն երկու անգամ վերաքննիչը հետ է ուղարկել: «Երկու անգամ ընթացակարգ էր խախտել ՍԱՊԾ-ը, որի պատճառով էլ  վերաքննիչ դատարանը առաջին ատյանի վճռի բողոքարկումը չընդունեց: Հիմա ՍԱՊԾ-ը  դիմել է Վճռաբեկ դատարան՝ բողոքարկելու վերաքննիչ դատարանի՝ առաջին ատյանի վճռի բողոքարկումը չընդունելու որոշումը»,- ասաց պրն Ավետիսյանը:

Եթե Հայաստանի երեք դատական ատյաններում էլ ՍԱՊԾ-ի նախկին աշխատակիցները հաղթեն, պատրա՞ստ են նորից Իշխան Կարապետյանի հետ աշխատել: Պատասխանը դրական էր՝ այո: «Իշխանկարապետյանական  ղեկավարությունը ԳՆ Սննդամթերքի անվտանգության պետական ծառայության Հանրապետական անասնաբուժասանիտարական ու բուսասանիտարական լաբորատորիան ոչնչացման եզրին է կանգնացրել»,- ասաց Գեորգի Ավետիսյանը:

ՍԱՊԾ-ի մյուս նախկին աշխատակից Նարեկ Մանթաշյանի հետ կապ հաստատել չհաջողվեց: Նա բաց նամակ էր գրել կառավարություն, որից հետո քաղծառայության խորհուրդն ու ՀՀ գլխավոր դատախազությունն ընթացք էի տվել նրա բողոքին:

ՍՈՆԱ ԴԱՎԹՅԱՆ

Նման թեմաներ

122488199673267500288781848048447njpg
scroll to top