Ուրբաթ , 25 Մայիս 2018

    outputra5huxgif
    Showers
    20°
    Home » Արցախ » Սարգսյանը և Ալիևը կողմ են Արցախի հարցով բանակցությունները շարունակելուն

    Սարգսյանը և Ալիևը կողմ են Արցախի հարցով բանակցությունները շարունակելուն

    Հունիս 19, 2017 16:34 Արցախ, Լուրեր, Միջազգային, Քաղաքական A+ / A-

    7740a064c080518476f69df15cd8d438

    Հայաստանի և Ադրբեջանի նախագահներ Սերժ Սարգսյանը և Իլհամ Ալիևը կողմ են ԼՂ հակամարտության խաղաղ կարգավորման բանակցությունները շարունակելուն. այս մասին Բաքվում լրագրողների հետ հանդիպմանն ասել է ԵԱՀԿ Մինսկի խմբի ռուսաստանցի համանախագահ Իգոր Պոպովը:

    «ԵԱՀԿ Մինսկի խումբը հուսով է, որ հակամարտող կողմերի միջև քաղաքական երկխոսությունը կշարունակվի: Այս հարցը մենք քննարկել ենք և՛ Բաքվում, և՛ Երևանում: Ելնելով այդ քննարկումների արդյունքներից՝ կարելի է ասել, որ երկու երկրների նախագահները կողմ են խաղաղ բանակցությունները շարունակելուն»,- նշել է Պոպովը:

    Ռուսաստանցի համանախագահը ԵԱՀԿ Մինսկի խմբի լուրջ մտահոգությունն է արտահայտել հակամարտության գոտում լարվածության աճի կապակցությամբ:

    «ԵԱՀԿ Մինսկի խմբի միջնորդներն իրենց խորին մտահոգությունն են հայտնում ռազմաճակատի գծում վերջերս գրանցված լարվածության աճի կապակցությամբ: Մենք պետք է անենք հնարավոր ամեն ինչ, որպեսզի դա չկրկնվի: Մենք մեր կողմից հասանելիք ամեն ինչ կանենք, որպեսզի նվազեցնենք լարվածությունը»,- նշել է համանախագահը:

    Ավելի վաղ տեղեկացրել էինք, որ Ադրբեջանի նախագահ Իլհամ Ալիևն այսօր ընդունել է ԼՂ հակամարտության կարգավորման հարցով ԵԱՀԿ Մինսկի խմբի համանախագահներին:

    scroll to top