Շաբաթ , 23 Հունիս 2018

    outputra5huxgif
    Mostly Clear
    22°
    Home » editorial » Սարգսյանի հովանավորությունը վայելող Բլդին եւ հրճվող քաղաքապետը

    Սարգսյանի հովանավորությունը վայելող Բլդին եւ հրճվող քաղաքապետը

    Սեպտեմբեր 12, 2017 15:32 editorial, Լուրեր, Քաղաքական A+ / A-

    բդլլ

    Այսօր տեղի ունեցավ Երեւանի ավագանու աշնանային առաջին նիստը: Այն անցավ բավականին լարված մթնոլորտում: Երեւանի ավագանու ՀՀԿ խմբակցության անդամները բավականին ագրեսիվ էին:  Ըստ էության ամառային հանգիստը  ավագանու ՀՀԿ-ական անդամների վրա ոգևորող ազդեցություն է ունեցել:

    Երեւանի ավագանու ՀՀԿ անդամներից շատերը վիրավորական արտահայտություններ էին հնչեցնում ավագանու ընդդիմադիր անդամների նկատմամբ: Նրանք անգամ տարրական կուլտուրա չունեն եւ «արա»-ով էին խոսում կնոջ հետ:

    Տարոն Մարգարյանի թիմի անդամների պահվածքը խոսում է այն մասին, որ նրանք Երեւանի քաղաքապետարանի շենքը շփոթել են իրենց քուչի հետ:  Քուչում «պպզածները», տարբեր ճանապարհներով  հայտնվելով ավագանու կազմում, փորձում են ինքնահաստատվել: Դրա վառ ապացույցն է նաեւ  Երեւանի ավագանու «Ելք» խմբակցության անդամների հասցեին վիրավորական արտահայտություններ հնչեցնող  ՀՀԿ խմբակցության անդամ Հովհաննես Ավանեսյանը:

    Araratnews.am-ին հայտնի դարձավ, որ Հովհաննես Ավանեսյանը, անգամ մականուն ունի` Բլդի, Շենգավիթ վարչական շրջանից է ընտրվել, քանի որ այդ վարչական շրջանում Տարոն Մարգարյանի համար ձայներ է բերել: Այլ կերպ ասած` Բլդին եղել է Մարգարյանի համար «արջի ծառայություն» մատուցողներից մեկը, ով արեւային ակնոցով ներկա է գտնվում ավագանու նիստում, տպավորություն ստեղծելով, թե ինքն է դրության տերը, եւ որ իր դեմ խաղ չկա: Հովհաննես Ավանեսյանը նաեւ բարեկամական կապեր ունի Շենգավիթ համայնքի ղեկավար Արմեն Սարգսյանի հետ եւ  վայելում է վերջինիս հովանավորությունը:

    Երեւանի ավագանու ՀՀԿ խմբակցության անդամների, մեղմ ասած, ոչ կոռեկտ պահվածքը, ի դեպ, առաջացնում էր նրանց շարքերում նստած կանանց եւ  քաղաքապետ Մարգարյան Տարոնի հրճվանքը, ինչից նրանք ավելի շատ էին ոգեւորվում: Տարոն Մարգարյանին փաստորեն ձեռնտու է իր թիմակիցների պահվածքը: Այս ամենը նրան հնարավորություն կտա նիստում բարձրացվող հարցերից խուսափելու: Այնպիսի հարցերից, ինչպիսիք են, օրինակ` Երեւանի քաղաքապետարանի,  հարկատուների գրպանից հավաքվող գումարից կոնյակներ գնելն ու կոնծելը: Ի դեպ, այս մասին բարձրացրեց Երեւանի ավագանու «Երկիր ծիրանի» խմբակցության անդամը` Մարգարյանին հարցնելով. համո՞վ էր կոնյակը:

    Տարոն Մարգարյանն ու իր թիմակիցներից շատերը տեղում չեն: ՀՀԿ վերնախավն այս ուղղությամբ մտածելու տեղ ունի: Արդյո՞ք Հայաստանի մայրաքաղաքը ղեկավարելու բարոյական իրավունք ունի մի մարդ, ում ներկայությամբ վիրավորում են ավագանու անդամ կնոջը, որն ուղեկցվում է Բլդիների եւ նման «թաղային հեղինակությունների», պատերի տակ «պպզողների» եւ ընտրությունների  ժամանակ ակտիվացողների հրճվանքով:

    Փայլակ Ֆահրադյան

    scroll to top