Գլխավոր Լուրեր Սերժ Սարգսյանը ապրիլյան պատերազմից հետո ճարպկորեն շեղեց հանրության ուշադրությունը. Արման Մելիքյան

Սերժ Սարգսյանը ապրիլյան պատերազմից հետո ճարպկորեն շեղեց հանրության ուշադրությունը. Արման Մելիքյան

5
0

Քաղաքագետ Արման Մելիքյանը ֆեյսբուքյան իր էջում գրառում է կատարել՝ անդրադառնալով ապրիլյան քառօրյա պատերազմին:

«2016թ. ապրիլյան պատերազմում մեր ունեցած տարածքային կորուստներն առաջին հերթին քաղաքական ծանրագույն հետևանքներն ունեցան մեզ համար: Բանն այն է, որ ապրիլյան տարածքային կորուստները կոչված էին ընդգծելու, որ Արցախի Հանրապետության տարածքային ամբողջականություն հասկացություն գոյություն չունի առաջին հերթին հենց հայկական կողմերի համար: Այսինքն հակամարտության այն մասնակիցների, ում համար այդ հասկացությունը պետք է գործնականում ունենար բացառիկ, կենսական նշանակություն: Պարոն Սերժ Սարգսյանը ճարպկորեն շեղեց հանրության ուշադրությունն այդ հանգամանքից, փոխարենը ասպարեզ նետելով շփման գծում փոխվստահության ու վերահսկողության միջոցների և զինված միջադեպերի հետաքննության մեխանիզմների ներդրման վերաբերյալ միանգամայն հիմնազուրկ և անիրագործելի «գաղափարը», որը նա նաև լրացրեց Երևան-Ստեփանակերտ ձևաչափով ռազմաքաղաքական դաշինք կնքելու վերաբերյալ մեր մարդկանց ականջը շոյող, բայց բացառիկ պոպուլիստական խոստումով»: