Գլխավոր Լուրեր Սերժ Սարգսյանի գրասենյակի պատասխանատուն թողնում է իր պաշտոնը

Սերժ Սարգսյանի գրասենյակի պատասխանատուն թողնում է իր պաշտոնը

6
0

ՀՀ երրորդ նախագահ Սերժ Սարգսյանի գրասենյակի պատասխանատու Նաիրի Պետրոսյանը Ֆեյսբուքում հայտնել է, որ այսուհետ զբաղվելու է բուն մասնագիտությամբ:

«2010 թվականին ՀՀ ԱԳՆ-ից գործուղվեցի ՀՀ նախագահի աշխատակազմ, որի շնորհիվ մասնագիտական գործունեության նոր ասպարեզ բացվեց իմ առջև: Այդ տարիների ընթացքում եղել եմ մեր պետության արտաքին քաղաքական բազմաթիվ կարևոր իրադարձությունների ականատեսն ու դրանց նախապատրաստման մասնակիցը: Շնորհակալ եմ Հայաստանի Հանրապետության երրորդ նախագահ Սերժ Սարգսյանին այդ պատվաբեր հնարավորությունն ինձ ընձեռելու համար:

Այժմ եկել է իմ բուն մասնագիտությամբ և կյանքի գործով նորից զբաղվելու ժամանակը: Ցանկությունս է վերադառնալ դիվանագիտական ծառայություն՝ գիտելիքս և փորձս Հայաստանի Հանրապետությանն ի սպաս դնելու համար: Այս հարցը քննարկել եմ ՀՀ երրորդ նախագահ Սերժ Սարգսյանի հետ` խնդրելով ազատել ինձ գրասենյակի պատասխանատուի աշխատանքից:

ՀՀ երրորդ նախագահի որոշմամբ իր գրասենյակի պատասխանատուի պարտականությունները կստանձնի պետական համակարգում աշխատանքի երկարամյա փորձ ունեցող իմ գործընկեր Մերի Հարությունյանը: Բարի երթ և հաջողություն եմ մաղթում, Մերի ջան»,- գրել է նա:

Մերի Հարությունյանն իր հերթին հետևյալ գրառումն է արել.

«Շնորհակալությամբ և մեծ պատասխանատվությամբ առաջիկայում կստանձնեմ ՀՀ պաշտոնաթող Նախագահ Սերժ Սարգսյանի գրասենյակի պատասխանատուի պաշտոնը: Այն ինձ համար պետական ծառայության յուրօրինակ շարունակություն է»: