Ռուբեն Հայրապետյանը 2003 թ. հունիսի 20-ից ՌԴ քաղաքացի է: Araratnews.am-ը տեղեկացավ Հայաստանի գլխավոր դատախազի խորհրդական Գոռ Աբրահամյանից:
Հիշեցնենք՝ Ռուսաստանը դադարեցրել է Ռուբեն Հայրապետյանի հետախուզումը իր տարածքում։
Գոռ Աբրահամյանի խոսքով՝ ՌԴ գլխավոր դատախազությունց դեռևս չեն ստացել Ռուբեն Հայրապետյանի հետախուզումը ՌԴ տարածքում դադարեցնելու և դրա հնարավոր հիմքերի վերաբերյալ ակնկալվող պարզաբանումները, ուստի դեռ չեն կարող ասել՝ արդյո՞ք Ռ. Հայրապետյանի՝ ՌԴ քաղաքացի լինելը հիմք է հետախուզումը դադարեցնելու որոշում կայացնելու համար:
Ռուբեն Հայրապետյանը մեղադրվում է քաղաքացուն ֆիզիկական ուժեղ ցավ կամ հոգեկան ուժեղ տառապանք պատճառելու, ազատությունից ապօրինի զրկելու, ինչպես նաև ինքնիրավչության համար, ինչպես նաև ծանր հետևանքներ առաջացնելով՝ պաշտոնեական լիազորությունները չարաշահելուն դրդելու և ծանր հետևանքներ առաջացնելով՝ որպես կազմակերպության ծառայող կարգադրիչ լիազորությունները
չարաշահելու համար: