Թաիլանդում զբոսաշրջիկներ տեղափոխող զբոսանավը բռնկվել է հենց ջրի վրա. կան տուժածներ

Բաժանորդագրվեք araratnews-ի տելեգրամ ալիքին։

Թաիլանդում տասնյակ զբոսաշրջիկներ տեղափոխող զբոսանավ է բռնկվել, ինչի հետևանքով տուժել է 6 մարդ:

Հանրահայտ Ֆի-Ֆի կղզիներ ուղևորվող զբոսանավի վրա եղել է ավելի քան 30 ռուս և ղազախ զբոսաշրջիկ: Տուժել են 3 զբոսաշրջիկ, նավապետը, զբոսավարը և մեխանիկը:

Մյուսներին փրկել է այն փաստը, որ զբոսանավը բռնկման պահին ջրում ափից 50 մ հեռավորության վրա է եղել:

Հրդեհի պատճառը, ըստ նախնական տեղեկությունների, շարժիչի խափանումն է եղել։

Մինչ փրկարարական ծառայության աշխատակիցները հասել են դեպքի վայր, զբոսանավը ամբողջությամբ այրվել է։

01 Ապրիլ, 2025 21:29

1174