Գլխավոր Լուրեր Սուրեն Պապիկյանը դարձավ 33 տարեկան

Սուրեն Պապիկյանը դարձավ 33 տարեկան

16
0

Այսօր ՀՀ տարածքային կառավարման և զարգացման նախարար Սուրեն Պապիկյանի ծննդյան օրն է: Երիտասարդ նախարարը դարձավ 33 տարեկան:

Ստորև ներկայացնում ենք Սուրեն Պապիկյանի կենսագրությունը:

Ծնվել է 1986 թ. ապրիլի 26-ին Ստեփանավան քաղաքում:

Սովորել է Լոռու Բերդ գյուղի դպրոցում, ապա 2003 թվականին ավարտել է Ստեփանավանի թիվ 1 վարժարանը և ընդունվել ԵՊՀ պատմության ֆակուլտետ:

Ուսումնառության ընթացքում զորակոչվել է ՀՀ զինված ուժեր:

2009-2012  թթ. գլխավորել է ԵՊՀ պատմության ֆակուլտետի ուսանողական գիտական ընկերությունը:
Գերազանց առաջադիմության համար արժանացել է ֆակուլտետի «Թաթուլ Կրպեյան» անվանական կրթաթոշակի:

2012 թ. գերազանց առաջադիմությամբ ավարտել է ԵՊՀ պատմության ֆակուլտետի մագիստրատուրան:

2010-2016 թթ. ուսմանը զուգահեռ աշխատել է պատմության ուսուցիչ Երևանի թիվ 54 ավագ դպրոցում:

2011 թվականից դասավանդել է «Քվանտ» վարժարանում:

2012-2016 թթ. սովորել է Սանկտ Պետերբուրգի պետական համալսարանի ասպիրանտուրայում:

2017թ. աշխատել է Երևան քաղաքի ավագանու «Ելք» խմբակցությունում, որպես փորձագետ:

2011 թ. պարգևատրվել է ԵՊՀ ՈւԽ արծաթապատ մեդալով:

2016 թ. պարգևատրվել է ՀՀ պաշտպանության նախարարության «Գարեգին Նժդեհ» մեդալով:
«Քաղաքացիական պայմանագիր» կուսակցության հիմնադիր անդամ է:

2016թ. հոկտեմբերի 30-ին ընտրվել է «Քաղաքացիական պայմանագիր» կուսակցության վարչության անդամ:
«Քաղաքացիական պայմանագիր» կուսակցության վարչության փոխնախագահն է:

2017 թ. ապրիլի 2-ի խորհրդարանական ընտրություններում «Ելք» դաշինքի կողմից ռեյտինգային ընտրակարգով առաջադրվել է պատգամավորի թեկնածու Լոռու մարզն ընդգրկող թիվ 9 ընտրատարածքում։

2018 թ. մարտի 31-ին մեկնարկած «Իմ քայլը» շարժման նախաձեռնող անդամ է, որը ապրիլ-մայիս ամիսներին հանգեցրել է ոչ բռնի, ժողովրդական, թավշյա հեղափոխության:

2018 թ. մայիսի 11-ին նշանակվել է ՀՀ տարածքային կառավարման և զարգացման նախարար:

2018 թ․ դեկտեմբերի 9-ին կայանալիք արտահերթ խորհրդարանական ընտրությունների քարոզարշավի ժամանակ ղեկավարել է «Իմ քայլը» դաշինքի նախընտրական շտաբը։ 2019 թ․ հունվարի 4-ին հրաժարվել է պատգամավորական մանդատից։

2019 թ․ հունվարի 18-ին վերանշանակվել է ՀՀ տարածքային կառավարման և զարգացման նախարարի պաշտոնում։

Ամուսնացած չէ:

AraratNews.am-ը շնորհավորում է Սուրեն Պապիկյանին և մաղթում է առողջություն, երջանկություն և նորանոր նվաճումներ: