Հինգշաբթի , 18 Հունվար 2018

    outputra5huxgif
    Mostly Cloudy
    Home » Լուրեր » Տարկետումը վերացվեց. ԱԺ-ն ընդունեց աղմկահարույց օրինագիծը

    Տարկետումը վերացվեց. ԱԺ-ն ընդունեց աղմկահարույց օրինագիծը

    Նոյեմբեր 15, 2017 10:16 Լուրեր, Հասարակություն A+ / A-

    2015-azgayin_zhoghov_parliament_of_Armenia_435838207

    ՀՀ Ազգային ժողովն այսօր 86 կողմ, 6 դեմ ձայների հարաբերակցությամբ երկրորդ ընթերցմամբ եւ ամբողջությամբ ընդունեց «Զինվորական ծառայության եւ զինծառայողի կարգավիճակի մասին» օրենքի նախագիծը: Մինչ քվեարկությունը վարման կարգով ելույթ ունեցավ ԱԺ «Ելք» խմբակցության պատգամավոր Արարատ Միրզոյանը` կոչ անելով դեմ քվեարկել օրենքի նախագծին:

    Նա հիշեցրեց, որ 4 ուսանող այս պահին հացադուլի մեջ է, 120 գիտաշխատող միացել է դասադուլին, եւ կոչ արեց դեմ քվեարկել օրինագծին:

    Նշենք, որ առաջին ընթերցման ժամանակ օրինագծին կողմ էր քվեարկել 89 պատգամավոր, դեմ էին քվեարկել «Ելք» խմբակցության 9 պատգամավորները:

    Հիշեցնենք, որ այս նախագծով առաջարկվում է վերացնել տարկետումը, ինչին ուսանողները դեմ են եւ մի քանի օր է՝ դասադուլ են հայտարարել: Դասադուլավորներից 5-ը նոյեմբերի 14-ին առավոտյան հացադուլ էին հայտարարել, նրանցից մեկն ավելի ուշ դադարեցրել էր հացադուլը` առողջական վիճակի վատթարացման պատճառով:

    Փայլակ Ֆահրադյան

    122488199673267500288781848048447njpg
    scroll to top