Կիրակի , 22 Հոկտեմբեր 2017

  •  USD   Առք` 480.50   Վաճառք` 484.00   ՀՀ ԿԲ` 481.93   
  •  EUR   Առք` 561.00   Վաճառք` 576.00   ՀՀ ԿԲ` 569.16   
  •  CHF   Առք` 482.00   Վաճառք` 494.00   ՀՀ ԿԲ` 490.86   
  •  GBP   Առք` 623.00   Վաճառք` 642.00   ՀՀ ԿԲ` 633.83   
  •  RUB   Առք` 8.27   Վաճառք` 8.51   ՀՀ ԿԲ` 8.37   
  •  GEL   Առք` 182.00   Վաճառք` 205.00   ՀՀ ԿԲ` 193.94   
outputra5huxgif
Mostly Sunny
15°
Home » Լուրեր » Տարոն Մարգարյանը հանդիպել է Պլեսի Ռոբինսոն քաղաքի պատվիրակության հետ

Տարոն Մարգարյանը հանդիպել է Պլեսի Ռոբինսոն քաղաքի պատվիրակության հետ

Հոկտեմբեր 12, 2017 17:00 Լուրեր A+ / A-

1111

Քաղաքապետ Տարոն Մարգարյանը հանդիպել է «Էրեբունի-Երևան 2799» տոնական միջոցառումներին մասնակցելու նպատակով Երևան ժամանած Ֆրանսիայի Պլեսի Ռոբինսոնի քաղաքապետի տեղակալ Կորին Մար Դյուգեի գլխավորած պատվիրակության հետ: Ողջունելով հյուրերին՝ քաղաքապետ Տարոն Մարգարյանը շնորհակալություն է հայտնել հրավերն ընդունելու և Երևանի օրվան նվիրված միջոցառումներին մասնակցելու համար: Առանձնակի կարևորելով Երևանի 12 վարչական շրջանների համագործակցությունը տարբեր պետությունների քաղաքների հետ՝ Երևանի քաղաքապետը նկատել է, որ այս այցը ևս մեկ հրաշալի առիթ է փոխադարձ գործընկերային կապերն էլ ավելի ամրապնդելու համար:

«Երևանի քաղաքապետարանը տարեցտարի ընդլայնում է համագործակցության ծրագրերը քույր և գործընկեր քաղաքների հետ, որոնց շրջանակում իրականացվում են ոչ միայն փոխշահավետ ծրագրեր, այլև էլ ավելի են ամրապնդվում կապերը այդ քաղաքներում ու մայրաքաղաքներում գործունեություն ծավալող հայ համայնքների հետ: Իմ կողմից մշտապես կարևորվել է նաև Երևանի 12 վարչական շրջանների համագործակցությունը տարբեր պետությունների քաղաքների հետ և ողջունելի է, որ Երևանի Արաբկիր վարչական շրջանի ու Ֆրանսիայի Պլեսի Ռոբինսոն քաղաքի միջև ևս հաստատված են սերտ բարեկամական կապեր ու գործընկերային հարաբերություններ: Համոզված եմ, որ այս օրերին Դուք հերթական անգամ հնարավորություն կունենաք վայելելու Երևանի ջերմությունն ու տոնական տրամադրությունը»,- ընդգծել է քաղաքապետը:
Շնորհակալություն հայտնելով ջերմ ընդունելության և հրավերի համար՝ Պլեսի Ռոբինսոնի քաղաքապետի տեղակալ Կորին Մար Դյուգեն իր հերթին առանձնակի կարևորել է գործընկերային կապերն առավել ամրապնդելու Երևանի քաղաքապետի պատրաստակամությունը, նկատելով, որ այն ամենակարևոր նախապայմաններից մեկն է Արաբկիր վարչական շրջանի և Պլեսի Ռոբինսոնի միջև հաստատված փոխգործակցությունը գործնական փուլ տեղափոխելու համար:
«Սա, պարոն քաղաքապետ, իմ արդեն 16-րդ այցն է Երևան, և պետք է վստահեցնեմ Ձեզ, որ ինձ համար Երևանում գտնվելն իսկապես հաճելի է: Հերթական անգամ ուզում եմ արձանագրել, որ Երևան կատարած ամեն այցիս ժամանակ անմիջապես նկատում եմ քաղաքի զարգացումը, ինչն իսկապես բավականին տպավորիչ է: Եվ թեկուզ հենց այս տեսանկյունից մեզ համար իսկապես կարևոր է որոշակի ոլորտներում գործընկերային հարաբերություններն ընդլայնել Երևանի հետ ու երկուստեք հաջողված փորձի փոխանակումներ ունենալ», – նշել է Կորին Մար Դյուգեն:
Հանդիպման ժամանակ, օգտվելով առիթից, Երևանի քաղաքապետ Տարոն Մարգարյանը Պլեսի Ռոբինսոնի պատվիրակության անդամներին հրավիրել է հաջորդ տարի կրկին այցելել Երևան ու մասնակիցը դառնալ 2800-ամյա Երևանի հոբելյանական տարեդարձի տոնական միջոցառումներին:

 

Երևանի քաղաքապետարանի տեղեկատվության
և հասարակայնության հետ կապերի վարչություն

Նման թեմաներ

122488199673267500288781848048447njpg
scroll to top