Ուրբաթ , 18 Օգոստոս 2017

  •  USD   Առք` 476.50   Վաճառք` 480.00   ՀՀ ԿԲ` 478.57   
  •  EUR   Առք` 553.00   Վաճառք` 567.00   ՀՀ ԿԲ` 561.79   
  •  CHF   Առք` 484.00   Վաճառք` 501.00   ՀՀ ԿԲ` 497.63   
  •  GBP   Առք` 604.00   Վաճառք` 623.00   ՀՀ ԿԲ` 616.73   
  •  RUB   Առք` 7.95   Վաճառք` 8.17   ՀՀ ԿԲ` 8.05   
  •  GEL   Առք` 192.00   Վաճառք` 205.00   ՀՀ ԿԲ` 200.24   
outputra5huxgif
Partly Cloudy
24°
Home » Լուրեր » Թուրքիայի ընդդիմությունը հանրաքվեի ընթացքում խախտումների համար մտադիր է ԳԸՀ-ին դատի տալ

Թուրքիայի ընդդիմությունը հանրաքվեի ընթացքում խախտումների համար մտադիր է ԳԸՀ-ին դատի տալ

Ապրիլ 21, 2017 16:35 Լուրեր, Միջազգային A+ / A-

4479103

Թուրքիայի հիմնական ընդդիմադիր Ժողովրդահանրապետական կուսակցությունը (ԺՀԿ) մտադիր է հայց ներկայացնել Գերագույն դատարան և վիճարկել Գերագույն ընտրական հանձնաժողովի (ԳԸՀ)  որոշումը՝ առանց կնիքի քվեաթերթիկները հաշվելու համար: Այս մասին  լրագրողներին  հայտարարել է ԺՀԿ փոխնախագահ Բյուլենթ Թեզջանը:

«Մենք այսօր հայց կներկայացնենք Գերագույն դատարան՝ ԳԸՀ-ի կողմից անհրաժեշտ կնիքներ չունեցող քվեաթերթիկները հաշվելու հարցի  առնչությամբ: Մենք նաև կպահանջենք, որ մինչև գործի քննության ավարտը քվեարկության վերջնական արդյունքները չհրապարակվեն»,-  ասել  է նա: Կուսակցության իրավաբանները համարում են, որ դատարանը նման ձևակերպմամբ հայցը կարող է քննության ընդունել:

Հիշեցնենք, որ ԿԸՀ-ն չորեքշաբթի քննարկել էր հանրաքվեի արդյունքները  չեղյալ համարելու մասին կուսակցությունների ներկայացրած  բոլոր  հայցադիմումները և մերժել դրանք: Հանձնաժողովի  միայն մեկ անդամ էր աջակցել ընդդիմության նախաձեռնությանը, ԿԸՀ 10 անդամները դեմ էին քվեարկել: Համապատասխան հայցադիմումներ  էին ներկայացրել ԺՀԿ-ն, Ժողովուրդների  ժողովրդավարության կուսակցությունը և  Հայրենիքի կուսակցությունը:

Անցյալ կիրակի Թուրքիայում տեղի  ունեցած  հանրաքվեում հաղթել  են սահմանադրական փոփոխությունների  և կառավարման նախագահական համակարգի անցնելու կողմնակիցները: Փոփոխությունների  փաթեթին կողմ է քվեարկել քաղաքացիների 51,4%-ը, մասնակցությունը կազմել  է 86%:  Ընդդիմությունն ապօրինի է համարում ԳԸՀ որոշումը՝ հաշվարկի  ժամանակ ընդունել բոլոր անհրաժեշտ կնիքներ չունեցող քվեաթերթիկները:

Նման թեմաներ

122488199673267500288781848048447njpg
scroll to top