Շաբաթ , 23 Հունիս 2018

    outputra5huxgif
    Mostly Clear
    22°
    Home » Լուրեր » Թուրքիայում ապամոնտաժել են Էրդողանի արձանը

    Թուրքիայում ապամոնտաժել են Էրդողանի արձանը

    Սեպտեմբեր 14, 2017 15:20 Լուրեր, Միջազգային A+ / A-

    erd

    Թուրքիայի Շանլըուրֆա (պատմ. Եդեսիա) նահանգի Հառան շրջանում ապամոնտաժվել է Թուրքիայի նախագահ Ռեջեփ Թայիփ Էրդողանի արձանը:

    Թուրքական «Doğan» լրատվական գործակալության տեղեկացմամբ՝ հուշարձանը, որը բաղկացած էր տանկից, և այն ձեռքի նշանով կանգնեցնող Էրդողանի արձանից, նվիրված էր 2016 թվականի հուլիսի 15-ին տեղի ունեցած ռազմական հեղաշրջման փորձին:

    Նշվում է, որ մինչև Էրդողանի արձանն ապամոնտաժելն այն հասցրել էին մեկ անգամ փոխել, քանի որ շատերն այն նմանացրել էին Սիրիայի նախկին նախագահ Հաֆըզ Ասադին:

    Փոխելուց հետո էլ արձանը տեղում երկար չի մնացել, այն հեռացրել են սեպտեմբերի 13-ի առավոտյան, իսկ տեղում տեղադրել են ցուցանակ՝ վրան գրված. «Հուլիսի 15-ը չենք մոռացել, չենք մոռանա»: Ինչպես նշվում է, հեռացվել է միայն Էրդողանի արձանը, իսկ տանկը դեռ տեղում է:

    Թուրքիայի նախագահը մեկնաբանել է արձանի ապամոնտաժումը: Նա ընդգծել է, որ որոշ համայնքների ղեկավարությունների՝ իր արձանը կանգնեցնելու որոշումներն իրեն մտահոգում են:

    «Այդ մասին լսելով ես շատ տխրեցի: Դա դեմ է մեր արժեքներին: Ես չեմ ուզում ո՛չ իմ արձանը կանգնեցնեն, ո՛չ էլ իմ նկարները տեղադրեն: Այդ ամենը ապամոնտաժեցինք»,-ասել է Էրդողանը՝ համայնքային ղեկավարներին խնդրելով, որ այլևս նման սխալներ թույլ չտան:

    Աղբյուր`  Ermenihaber.am

    Նման թեմաներ

    scroll to top