Երեքշաբթի , 11 Դեկտեմբեր 2018

    outputra5huxgif
    Partly Cloudy
    Մամուլ
    Home » Լուրեր » Նոր մանրամասներ Վանաձորում կորած երեխայի մասին

    Նոր մանրամասներ Վանաձորում կորած երեխայի մասին

    Նոր մանրամասներ Վանաձորում կորած երեխայի մասին
    Նոյեմբեր 8, 2018 15:25 Լուրեր, Հասարակություն A+ / A-

    Վանաձորի բնակիչ` 2006 թ. ծնված Արթուր Մարտիրոսյանի որոնողական աշխատանքները շարունակվում են: Այս մասին Araratnews.am-ը տեղեկացավ ՀՀ ոստիկանության  հասարակայնության հետ կապի եւ լրատվության վարչությունից:

    Երևան Տոնավաճառ

    Վանաձորում երեխայի որոնողական աշխատանքներն իրականացնում են ոչ միայն ՀՀ ոստիկանության աշխատակիցները, այլեւ կամավորականները, որոնց աշխատանքը համակարգում է Վանաձորի քաղաքապետարանի աշխատակազմի կրթության եւ մշակույթի ղեկավար Գոռ Բադիյանը:

    Araratnews.am-ը նրանից տեղեկացավ, որ երեխային փնտրում են նաև անօդաչու սարքերով քաղաքի տարբեր տարածքներում, անտառամերձ տարածքներում:

    Մեր դիտարկմանը, թե Հայաստանում շատ են տեսանկարահանող սարքերը, սակայն արդեն երկրորդ դեպքն է, երբ կորչում է աուտիզմով երեխա ու չի հայտնաբերվում, պաշտոնյան ասաց՝ այդ մասին չի մտածել: «Ամբողջ ուշադրությունս  սեւեռված է որոնողական աշխատանքների վրա: Հետեւությունները կանենք հետո»,- ասաց  քաղաքապետարանի աշխատակիցը:

    Գոռ Բադիյանը հիշեցրեց՝ երեխան արդեն երկրորդ անգամ է տանից  գնում: «Չենք բացառում, որ երեխան գուցե անտառամերձ տարածքում եղած լինի, քանի որ նրանց տունն անտառին մոտ է, այդտեղ հաճախ են երեխային զբոսանքի տարել»,- ենթադրեց քաղաքապետարանի  աշխատակազմի կրթության եւ մշակույթի ղեկավարը:

    Ի դեպ,  պաշտոնյայի խոսքով՝ կասկածներ չկան, որ ընտանիքում եղած խնդիրների, վատ վերաբերմունքի պատճառով է երեխան տնից գնացել, քանի որ երեխայի ընտանիքի անդամները միացել են որոնողական աշխատանքներին:

    Սոնա Դավթյան


    scroll to top