Ուրբաթ , 23 Օգոստոս 2019

    outputra5huxgif
    °
    Home » Լուրեր » Վարչապետը՝ Թուրքիայի հետ հարաբերությունների մասին (տեսանյութ)

    Վարչապետը՝ Թուրքիայի հետ հարաբերությունների մասին (տեսանյութ)

    Վարչապետը՝ Թուրքիայի հետ հարաբերությունների մասին (տեսանյութ)
    Ապրիլ 24, 2019 12:29 Լուրեր, Տեսանյութ, Քաղաքական A+ / A-

    Հայաստանի վարչապետ Նիկոլ Փաշինյանը համարում է, որ Թուրքիայի հետ հարաբերությունների կարգավորումը հարց է, որ պետք է լինի Հայաստանի օրակարգում, «բայց մեր դիրքորոշումը պետք է լինի շատ հստակ, սկզբունքային և արժանապատիվ»։ Վարչապետ Փաշինյանը ապրիլի 23-ին ծավալուն հարցազրույց է տվել ՍիվիլՆեթին և ի շարս տարբեր հարցերի՝ պատասխանել Թուրքիայի հետ հարաբերությունների և Հայոց ցեղասպանության ճանաչման մասին հարցերին։ Զրույցի այդ հատվածը՝ ստորև։

    - Պարոն վարչապետ, Հայաստանի համար կարևորագույն խնդիրներից մեկը Թուրքիայի հետ հարաբերություններն են, փակ սահմանները։ Մենք պե՞տք է ձեռքներս ծալած նստենք, թե՞ մեր կողմից պետք է ինչ-որ քայլեր արվեն այս աննորմալ վիճակը հաղթահարելու համար։ Խոսքը նրա մասին չէ, որ մենք ուղերձներ հղենք թուրքերին, որ նրանք ավելի լավ տրամադրվեն։ Պարզապես ի՞նչ պետք է անել այս վիճակից դուրս գալու համար։ Դուք մտածո՞ւմ եք այս մասին։ Սերժ Սարգսյանը մտածեց, որ կարող է սկսել ֆուտբոլային դիվանագիտություն։ Լավ էր, վատ էր, քննադատվեց, բայց այնուամենայնիվ քայլ էր, որ արվեց։ Դուք ի՞նչ եք մտածում։

    - Գիտեք, ես կարծում եմ, որ առաջին ամենակարևոր խնդիրը Հայաստանի միջազգային հեղինակությունը բարձրացնելն է և Հայաստանի ձայնը ընդհանուր առմամբ միջազգային հանրության համար ավելի լսելի դարձնելը։ Ես կարծում եմ, որ մենք գնում ենք այդ ճանապարհով։ Եվ սա կարևոր է բոլոր հարաբերություններում որոշակի արդյունքներ ունենալու համար, այդ թվում՝ Թուրքիայի հետ։ Կարծում  եմ, որ  մենք նաև ինչ-որ առումով պետք է զուսպ լինենք այս առումով, որովհետև հարաբերությունների կարգավորումը ինչքան պետք է Հայաստանին, այնքան էլ պետք է Թուրքիային։ Եվ մենք, այսպես ասած, ոտուձեռ ընկնելու անհրաժեշտություն չունենք, չնայած դա հարց է, որ պետք է լինի մեր օրակարգում։ Բայց մեր դիրքորոշումը պետք է լինի շատ հստակ, սկզբունքային և արժանապատիվ։ Եվ առաջին հերթին պետք է հիմնված լինի փոխադարձ հարգանքի վրա։ Եվ այս առումով Հայաստանի միջազգային հեղինակությունը և հարգանքը Հայաստանի նկատմամբ պետք է շարունակաբար մեծանա։

    Մանրամասները՝ սկզբնաղբյուր կայքում


    Նման թեմաներ

    scroll to top